Nekemiya

3 Eleyasibe+ wa ngang’ambuta ye mpangi zandi anganga batelamene, batungidi e Vitu dia Mameme.+ Bavauidi* dio,+ basidi yelo yandi; bavawidi yo yakuna Nzo Yandá ya Mea+ yakuna Nzo Yandá ya Kananele.+ 2 Esi Yeriko+ batungulwidi ndambu ilende; o Zaku wa mwan’a Imere otungulwidi ndambu ilende.

3 O wan’a Kasena batungidi e Vitu dia Mbizi a Maza;+ basidi dio mabaya,+ basidi yelo yandi ye vakikilwa ye mbindi. 4 Meremote+ wa mwan’a Ureya wa mwan’a Akose otungulwidi ndambu ilende, Mesulame+ wa mwan’a Berekeya wa mwan’a Mesezabele otungulwidi ndambu ilende, Sadoke wa mwan’a Bana otungulwidi ndambu ilende. 5 Esi Tekoa+ batungulwidi ndambu ilende, kansi o wantu au atunda ke bayikulula ko mu* sala kuna nsi a wisa kia akengi au a salu.

6 Yoyada wa mwan’a Paseke yo Mesulame wa mwan’a Besodeya batungulwidi e Vitu dia Mbanza Yankulu;+ basidi dio mabaya, basidi yelo yandi ye vakikilwa ye mbindi. 7 Melateya wa musi Ngibone+ yo Yadone wa Meronote y’esi Ngibone y’esi Misepa+ ana bakala kuna nsi a wisa* kia nguvulu a mvivu a Simu dia Nzadi,*+ batungulwidi ndambu ilende. 8 Uziele wa mwan’a Karaya, mvangi a lekwa ya wolo,* otungulwidi ndambu ilende, Kananiya, mosi muna asangi a mazi mansunga,* otungulwidi e ndambu ilende; Bayadidi Yerusaleme matadi yakuna Yaka kia Sanzuka.+ 9 Refaya wa mwan’a Kure wa nguvulu a ndambu a mvivu a Yerusaleme, otungulwidi ndambu ilende. 10 Yedaya wa mwan’a Karumafa otungulwidi vana ntalani a nzo andi, Katusi wa mwan’a Kasebeneya, otungulwidi ndambu ilende.

11 Malekiya wa mwan’a Karimi+ yo Kasubi wa mwan’a Pakati-moabe+ batungulwidi ndambu yankaka ye Nzo Yandá ya Mafulu ma Mbolo.+ 12 Salumi wa mwan’a Kalokese wa nguvulu a ndambu a mvivu a Yerusaleme otungulwidi ndambu ilende yo wan’andi amakento.

13 Kanuni y’esi Zanoka+ batungulwidi Vitu dia Ndimba;+ batungulwidi dio, basidi yelo yandi ye vakikilwa ye mbindi, batungulwidi 1.000 dia yinkoso* dia yaka yakuna Vitu dia Mazudika ma Ntoto Ampolo.+ 14 Malekiya wa mwan’a Rekabe wa nguvulu a mvivu a Beta-kereme,+ otungulwidi Vitu dia Kundubulu ya Ntoto Ampolo; otungulwidi dio, osidi yelo yandi ye vakikilwa ye mbindi.

15 Salune wa mwan’a Kolekoze wa nguvulu a mvivu a Misepa,+ otungulwidi Vitu dia Nto;+ otungulwidi dio, ofukidi dio, osidi yelo yandi ye vakikilwa ye mbindi, ye yaka kia Zinga+ kia Sela vana ndambu a Mpatu a Ntinu,+ yakuna Ntombokelo+ a Mbanz’a Davidi.+

16 Nekemiya wa mwan’a Azebuke wa nguvulu a ndambu a mvivu a Bete-zuro,+ otungulwidi ndambu ilende yakuna fulu kitalanini ye Ziami kia Davidi+ yakuna zinga+ kina kiatimwa yakuna Nzo a Makesa.

17 Anelevi batungulwidi e ndambu ilende muna lutumu lwa Rekume wa mwan’a Bani; Kasabiya wa nguvulu a ndambu a mvivu a Kila,+ otungulwidi e ndambu ilende muna zunga kiandi. 18 Mpangi zandi batungulwidi e ndambu ilende muna lutumu lwa Bavai wa mwan’a Kenadade wa nguvulu a ndambu a mvivu wa Kila.

19 Eze wa mwan’a Yesua+ wa nguvulu a Misepa otungulwidi e ndambu yankaka italanini ye ntombok’a Lundilu dia Nuaninua vana Nsikinu a Yaka.+

20 Baruki wa mwan’a Zabai+ osadidi ye fululu kiawonso, otungulwidi e ndambu yankaka tuka kuna Nsikinu’a Yaka yakuna mwelo a nzo a Eleyasibe+ wa ngang’ambuta.

21 Meremote+ wa mwan’a Ureya wa mwan’a Akose otungulwidi ndambu yankaka, tuka vana mwelo a nzo a Eleyasibe yakuna nsuk’a nzo a Eleyasibe.

22 Anganga, esi zunga kia Yodani*+ batungulwidi e ndambu ilende. 23 Benyamini yo Kasubi batungulwidi vana ntalani a nzo au. Azareya wa mwan’a Maseya wa mwan’a Ananiya, otungulwidi vana ndambu a nzo andi. 24 Binui wa mwan’a Kenadade otungulwidi ndambu yankaka, tuka vana nzo a Azareya yakuna Nsikinu’a Yaka,+ yakuna konko.

25 Palale wa mwan’a Uzai otungulwidi ndambu ilende vana ndambu a Nsikinu’a Yaka ye vana ntalani a nzo yandá ina vana Nzo a Ntinu,*+ ina vana ndambu a Yanzala kia Ayingidi.+ Pedaya wa mwan’a Parose+ otungulwidi e ndambu ilende.

26 Selo ya tempelo*+ ana bakala muna Ofele+ batungulwidi e ndambu ilende yakuna fulu kiatalana ye Vitu dia Maza+ kuna este ye vana nzo yandá isundidi ozanguka.

27 Esi Tekoa+ batungulwidi ndambu yankaka, vana ntalani a nzo yandá yampwena isundidi ozanguka, yakuna yaka kia Ofele.

28 Anganga batungulwidi vana ntandu a Vitu dia Mvalu,+ konso muntu vana ntalani a nzo andi.

29 Sadoke+ wa mwan’a Ime otungulwidi e ndambu italanini ye nzo andi.

Semaya wa mwan’a Sekaneya wa nlundi a Vitu dia Este+ otungulwidi e ndambu ilende.

30 Kananiya wa mwan’a Selemeya yo Kanuni wa mwan’a sambanu wa Salafi batungulwidi e ndambu ilende.

O Mesulame+ wa mwan’a Berekeya otungulwidi vana ntalani a nzo andi.

31 Malekiya, mosi muna avangi a lekwa ya wolo, otungulwidi e ndambu ilende yakuna nzo a selo ya tempelo*+ ye nzo akiti, vana ntalani a Vitu dia Lufimpu yakuna suku dia ntandu vana konko.

32 Avangi a lekwa ya sengwa ye akiti batungulwidi e ndambu ilende vana kati kwa suku dia ntandu dina vana konko ye Vitu dia Mameme.+