Zakariya

4 Mbasi ona wamokenanga yame, ovutukidi, unsikamesa nze una usikamesenuanga muntu kuna tulu. 2 I bosi, umpovese vo: “Nki omwene?”

Mpovele vo: “Mbwene zangikilwa kia minda kiawonso kia wolo,+ kina ye pidi kimosi vana ntandu. Kina ye minda nsambwadi,+ elo, nsambwadi, e minda miomio mina ye matutu nsambwadi. 3 Vana ndambu a zangikilwa kia minda vena ye nti miole mia olive,+ umosi ku lunene lwa pidi wankaka kuna lumonso.”

4 I bosi ngiuvuidi o mbasi ona wamokenanga yame: “E mfumu ame, e lekwa yayi nkia nsasa ina?” 5 O mbasi ona wamokenanga yame ungiuvuidi vo: “Nga kuzeye nsas’a lekwa yayi ko e?”

Mpovele vo: “E mfumu ame, kizeye ko.”

6 I bosi, umpovese vo: “I wau wuwu kavovele o Yave kwa Zerubabele: Ke mu ngolo za makesa ko ngatu muna nkum’a wantu,+ kansi muna mwand’ame,”+ u kavovele o Yave a vu. 7 Ongeye u nani, e mongo anene? Vana ndose a Zerubabele,+ ongeye okituka se nsi yalelama.+ Oyandi otwasa e tadi dia ntandu dina wantu bekazila, oku vo: “Ekwe wete! Ekwe wete!”’”

8 E diambu dia Yave dizidi diaka kwa mono, oku vo: 9 “O moko ma Zerubabele makuba e nkubilw’a nzo yayi,+ moko mandi mpe mefokola yo.+ I bosi ozaya wo vo Yave a vu untumini kwa ngeye. 10 Nani waveza e lumbu ya lubantiku lwandwelo?*+ Kadi beyangalala yo mona nsinga wa tezela vana koko kwa Zerubabele. Awaya yau nsambwadi i meso ma Yave, mana metalanga e nza yawonso.”+

11 I bosi inyuvuidi vo: “Ayeyi i nsas’a nti miole mia olive mina kuna lunene ye lumonso lwa zangikilwa kia minda?”+ 12 Inyuvuidi mu nkumbu anzole vo: “Ayeyi i nsas’a nkuta* miole miami mia tayi ya olive ikukulanga mazi ma wolo muna matutu mole ma wolo?”

13 Ungiuvuidi vo: “Nga ozeye nsas’a lekwa yayi?”

Imvutwidi vo: “E mfumu ame, kizeye ko.”

14 Ovovele vo: “Awaya i akuswa yau awole ana batelamene vana ndambu a Mfumu a nza yawonso.”+