Nkung’a Solomo
8 “Ekwe kele vo ongeye wakala nze mpangi ame,
Ona wayema mayene ma ngudi ame!
Ozevo, vava yadi kuwana kuna mbazi, yadi kufiba,+
Ke muntu ko wadi kumveza.
Yadi kuvana vinyu ansunga wanua,
Yo malavu manzenzo ma nganata.*
3 O koko kwandi kwalumonso kwadi kala kuna nsi a ntu ame,
O koko kwandi kwalunene kwadi kumbimbakana.+
4 Inudisisi e ndofi, e wan’amakento a Yerusaleme:
Ke nutezi sikamesa ko yovo yangumuna e nzola omu mono yavana yau mosi isikama.”+
5 “Nani ndioyo okwiza tombokanga tuka muna makanga,
Oyekamene o nzolw’andi?”
“Isikamese kuna nsi a nti a pome.
Ikûna o ngudi aku kabakamena nsongo aku.
Ikûna kakadila ye nsongo ndiona wawuta.
6 Unsia se dimbu vana ntim’aku,
Se dimbu vana koko kwaku,
Kadi e nzola ivuidi ngolo nga lufwa,+
E kwikizi kilakamanga nze Ziami.*
E nlaku miandi mina nga tiya twambomoni, o nlaku a YA.*+
7 O maza menikukanga mu ngolo ke malendi zima nzola ko,+
Kana nkutu nzadi ke zilendi yo kukulwisa ko.+
Avo muntu ovene mavua mawonso ma nzo andi mu kuma kia nzola,
Mevezwa* kikilu.”
8 “Tuvuidi nsang’eto anleke,+
Kamenene ntete mayene ko.
Adieyi tuvanga kwa nsang’eto
Muna lumbu kelombwa vo bansompa?”
9 “O nsang’eto avo yaka,
Tutunga yaka* kia palata vana ntandu andi,
Kansi avo nsang’eto mwelo,
Tukunkakila muna baya dia nsedele.”
10 “Omono i yaka,
O mayene mame mena nga nzo zandá.
Ozevo, vana meso mandi nkitukidi
Nga muntu una mu luvuvamu.
11 Solomo wakala ye mpatu a vinyu+ kuna Bale-amone.
Wavana e mpatu a vinyu kwa avati* balunga-lunga yo
Konso muntu wantwasilanga funda dia sekele za palata mu kuma kia bundu yandi.
12 Omono mvuidi mpatu a vinyu ya mono kibeni ova ngina.
E funda dia palata* dia ngeye, e Solomo,
E nkama zole, za awana belunga-lunganga e bundu yandi.”
13 “E ngeye ozingilanga muna zimpatu,+
Akundi bewanga e nding’aku.
Yambula mpe omono yawá yo.”+
Vana miongo mia titi yansunga.”