Nkung’a Solomo
2 “Nze lenge-lenge vana vena e nsende
I wina o nzolw’ame vana vena wan’amakento.”
3 “Nze nti a pome vana vena nti mia mfinda,
I wina o nzolw’ame vana vena wan’amakala.
Ngina ye tima diayingi dia fonga vana kini* kiandi,
E bundu kiandi kianzenzo omu nu’ame.
4 Unkotese muna nzo ya nkinzi,*
Awonso bamwene vo e nzol’andi omu mono ina.
5 Nunsiamisina muna yimbolo-mbolo ya bundu ya vinyu yayuma;+
Nunkumikina muna pome,
Kadi kimbevo kia nzola iyela.
6 O koko kwandi kwalumonso kuna oku nsi a ntu ame,
O koko kwandi kwalunene kumbimbakene.+
Ke nutezi sikamesa ko yovo yangumuna e nzola omu mono yavana yau mosi isikama.+
8 Ngwidi nding’a nzolw’ame!
Tala! Yandi ona okwizanga,
Mu tomboka kena e miongo, otakuziokanga vana kundubulu.
9 O nzolw’ame una nga nkayi, nga mwan’a mvanda a koko.+
Yandi ona, otelamene kuna nim’a yaka kieto,
Otalanga vana zianela,
Okengelelanga muna mavundu.
10 O nzolw’ame ovovele, umpovese vo:
‘Telama, e nzolw’ame,
E mote ame, wiza twenda.
11 Tala! E kintombo kiviokele.*
E mvula zikiele, zele kwandi.
12 E mvuma zivaikidi omu nsi,+
E ntangw’a vangila e nti ifwene,+
O nkung’a mbwela uwakane omu nsi eto.+
13 E bundu yantete ya nti a nsanda ibweke;+
E nsinga mia vinyu mivaikisi e mvuma yo mwanga e nsunga zandi.
Telama, e nzolw’ame, wiza.
E mote ame, wiza twenda.
14 E yembe diame, muna nduka mia matadi,+
Muna mbamvu za miongo,
Yambula yamona yo wá e nding’aku,+
Kadi e ndinga aku yalembama, e mpw’aku yambote-mbote.’”+
15 “Nutubakila e mfwenge,
E mfwenge zakete zifwasanga e mpatu za vinyu,
Kadi e mpatu zeto za vinyu zivaikisi e mvuma.”
16 “O nzolw’ame i wame, omono i wandi.+