Yesaya
59 Tala! O koko kwa Yave ke kwankufi ko muna vuluza,+
2 Ve, o bi wa yeno kibeni unuvambwidi yo Nzambi.+
O masumu meno mamfididi mu kunusweka e ndose andi,
Kazolele diaka kunuwá ko.+
3 Kadi moko meno mazala yo menga+
E nlembo mieno miazala yo bi.
E befo yeno luvunu ivovanga,+ o tubini tweno tufofolanga mambu makondwa unsongi.
4 Ke vena muntu ko obokanga mu kuma kia unsongi,+
Ke vena muntu ko wele kuna mbazi a nkanu kavova e ludi
Babundidi e vuvu muna mambu ma luvunu+ yo vova mambu makondwa o mfunu.
Bayimiti e mpasi yo wuta o bi.+
5 Batetele maki ma niok’a manga ampondi,
Batungidi wanda wa sangangungu.+
Konso ona odia maki mau fwa kefwa,
Muna diaki ditetokele muvaikidi mpidi.
6 O wanda wau ke usadilwa se mvuatu ko,
E lekwa mpe bevanganga ke ikubasadisa ko.+
E salu yau yambi,
Bevanganga mambu mansoki muna moko mau.+
7 Malu mau metikunanga mu vanga o bi,
Bezabuziokanga mu bungula menga ma minkondwa-kuma.+
E ngindu zau ngindu zambi;
O lufwasu ye mpasi zina omu nzila zau.+
8 Ke basidi zaya nzil’a luvuvamu ko,
Muna beviokelanga ke mwina unsongi ko.+
Batekekele nzila zau;
Ke vena ona odiatila mo ko ozaya luvuvamu.+
9 Ekiaki i kuma o unsongi utuvavukidi,
E ndungidi ke ikutulwakilanga ko.
Tukwamanene vingila ntemo, kansi vakedi kaka tombe;
Tuvingidi ntemo, kansi tukwamanene diatila mu tombe kiangolo.+
10 Tubabate muna yaka nga mpofo;
Tukwamanene babata nga wantu bakondwa meso.+
Tutele sakuba muna ntangw’a midi nze mu tombe kia fuku;
Twina nze wantu afwa vana vena akwa ngolo.
11 Yeto awonso tukwitanga nze use
Tubumanga nze mayembe.
Tusidi e vuvu muna unsongi, kansi nkatu kwandi;
Tusidi e vuvu muna luvuluzu, kansi luvuluzu lutuvavukidi.
12 Kadi mavangu meto ma ukolami se mengi ova ntadisi aku;+
Konso sumu dieto disianga kimbangi mu kuma kieto.+
Tutomene zaya o ukolami weto;
Tutomene zaya o bi weto.+
13 Tukulwidi o nsiku yo vakulwila Yave o nkalu;
Tufididi Nzambi eto e nima.
Tuvovelanga oma ma lubangamu ye ukolami;+
Tuyimiti luvunu yo wuninina mvovo mia luvunu mitukidi muna ntima.+
14 O unsongi uvutwilu manima,+
E ndungidi ikedi kwandá;+
Kadi e ludi* kitele sakuba vana ntanda,*
Edi diansongi ke dilenda kota ko.
Yave omwene dio, okendalele,
Kadi ke vakedi unsongi ko.+
16 Omwene vo ke vakedi muntu ko,
Osivikidi wau vo ke vakedi muntu ko kabavovela,
Muna diadi, o koko kwandi kutwese luvuluzu,*
O unsongi wandi umfididi mu vanga diambu.*
Ovuete nlandw’a kunda se mvuatu andi+
Ovuete o vema nze yunga kiakondwa moko.
18 Oyandi okubasenda mu kuma kia mavangu mau:+
Ofungila atantu andi makasi, otumba e mbeni zandi;+
Yo vutulwila ana bezingilanga muna sanga mana mabafwanukini.
19 Tuka kuna kudimukinanga e ntangwa bevumina e nkumbu a Yave
Tuka kuna kuvaikilanga e ntangwa, o nkembo andi
Kadi Yave okwiza nze nkoko angungula,
Una ukukulwiswanga kwa mwand’andi.
21 “Vo i mono, ediadi i kangu diame ikanga yo yau,”+ u kavovele o Yave. “O mwand’ame una omu ngeye ye mvovo miame mina nsidi omu nu’aku—ke mikatulwa muna nu’aku ko, muna nu’a wan’aku yovo muna nu’a atekolo aku, tuka owau yakwele mvu,” u kavovele o Yave.