Yesaya
33 Nkenda kwa ngeye, e mfwasi ona kafwasilu ko;+
E nyekodi ona kayekwelo ko!
Vava omana fwasa, ongeye kibeni mpe ofwaswa.+
Vava omana yekola, ongeye kibeni mpe oyekolwa.
2 E Yave, utusonga e dienga.+
E vuvu kieto muna ngeye kina.
3 Muna mazu ma mvuanga, e nkangu mitinanga.
Vava otelamanga, e zula imwangananga.+
4 Wauna ukutakenanga makonko ma mbwila, i una ukutakeselwa e sanzu dieno;
O wantu bebilamena dio nze buka ya makonko.
5 Yave okembelwa,
Wau vo vana fulu kisundidi o zangama kezingilanga.
Oyandi ozadisa Zione yo unsongi ye ndungidi.
6 Yandi okuvananga luvuvamu;
Luvuluzu lwayingi,+ ngangu, zayi yo vumi wa Yave+
—Lwalu i lusalu lwandi.
7 Tala! Mabamba-ngolo mau mekazanga muna nzila;
Anati a nsangu za luvuvamu babokomokene ye dilu.
8 E bala-bala zisidi e nkatu;
Ke vena muntu ko okangalelanga muna nzila.
9 E nsi mu kifwidi* ina, itandidi.
E Lebanone imwen’e nsoni;+ iwolele.
E Sarone ikitukidi nga makanga,
E Basani ye Kamele ibetomwene makaya mau.+
11 Nuyimiti titi yayuma yo wuta minga.
O mwand’eno ukunubomona nga tiya.+
12 E nkangu mikituka nga mpemba iyokelo.
Nga mvanga mikeselo, beyokwa vana tiya.+
13 Oyeno luna kwandá, nuwá mana ivanga!
Oyeno luna lukufi, nuzaya o nkuma ame!
14 Asumuki muna Zione bamwene o wonga;+
Avengomoki mu zakama bena mu kuma kia wonga:
‘Nani muna yeto olenda zingila vana vena tiya twambomoni?+
Nani muna yeto olenda zinga yo nlaku a tiya ulembi zimanga?’
15 Ndiona okwamanananga kangalela muna unsongi,+
Ndiona ovovanga mambu ma ludi,+
Ndiona obembolanga ndandu zalembi songa ye zaluvunu,
Ndiona una ye moko metinanga mbabu vana fulu kia tambula yo,+
Ndiona okakanga o matu mandi kalembi wá e moko kia mbungulw’a menga,
Ye ndiona ozimanga meso mandi kalembi mona e diambu diambi
16 —I yandi ozingila vana fulu yazanguka;
E tininu diandi diasikila* muna swekameno diangolo dia matadi dikala,
Ovewa e mbolo andi,
E lundilu diandi dia maza ke diyuma nkutu ko.”+
17 O meso maku memona ntinu muna nkembo andi;
Memona nsi ina kwandá.
18 Muna ntim’aku, osungamena o mambu wamwenanga wonga, oku vo:
“Akweyi kena o nsoneki?
Akweyi kena o muntu wapezanga e vaku?+
Akweyi kena o muntu watanganga e nzo zandá?”
19 Ongeye kumona diaka wantu bakondelo luzitu ko,
Wantu bena vo e ndinga bevovanga yampasi* kikilu mu bakula,
Ana bevovanga e nding’a kinzenza ina kulendi bakula ko.+
20 Tala Zione, e mbanz’a nkinzi mieto!+
Meso maku memona e Yerusaleme se fulu kialuvuvamu,
E saba ke kikatulwa ko.+
E mpalu za saba ke zivuzwa nkutu ko,
Ke imosi ko muna ngonzi zandi zizatuka.
21 Kansi okwakuna, o Yave wa Nzambi Anene,
Okala kwa yeto se zunga kia nkoko ye nsuku mianene,
Muna ke muviokela nlonga mia nzaza ko
Ngatu nzaza zanene zaviokela mo.
23 E ngonzi za mbeni* zizezeswa;
E lunzi dizitikwanga o nlele a nzaza ke belenda dio simbinina ko ngatu yalumuna o nlele a nzaza.
Muna ntangwa yayina, vekala ye sanzu diayingi muna kayana;
Kana nkutu i avanguki besanza lekwa yayingi.+
24 Ana bezingila mo, ke mosi ko ovova vo: “Yayela ngina.”+
O nkangu uzingilanga muna nsi uyambulwila o bi wau.+