Yesaya
65 “Ngiambwidi vo awana ke bangiuvuidi ko bampava;
Ngiambwidi vo awana ke bampavidi ko bansolola.+
Mpovele kwa zula ke kiyikanga nkumbu ame ko vo: ‘Mono oyu, mono oyu!’+
2 Lumbu kiamvimba, ntambidi o moko mame kwa akwa ntim’a mbâdi,+
Kwa awana bediatilanga muna nzila zambi,+
Yo landa e ngindu za yau kibeni;+
3 O nkangu ukuntiangunanga vana ndose ame,+
Utambikanga yimenga muna mpatu+ yo futumuna mwisi a kimenga vana bilikisi.
4 Bevuandanga muna ziami,+
Yo leka muna fulu yaswekama,*
Bedianga e mbizi za ngulu,+
E supu dia lekwa yafunzuka dina muna malonga mau.+
5 Bevovanga vo: ‘Kala vovo wina; kumfinami ko,
Kadi omono isundidi o vauka.’*
Oyau bena nga mwisi muna mazunu mame, nga tiya tulemanga lumbu kiamvimba.
6 Tala! Diasonama ova ntadisi ame;
Kidingalala ko,
Kansi ikubavutulwila,+
Ikubavutulwila muna tezo kibafwanukini*
7 Mu kuma kia bi wau yo bi wa mase mau,”+ u kavovele o Yave.
“Wau bafutumwini mwisi a kimenga vana miongo
Bansakanene vana kundubulu,+
E diambu diantete ivanga, i teza o mfutu au una ufwene.”*
8 I wau wuwu kavovele o Yave:
“Wauna e vinyu ampa ibongelwanga muna kangi ya uva zambote
Omosi kavova vo: ‘Kufwasi yo ko, kadi lekwa kiambote kina mo,’*
I una ivanga mu kuma kia selo yame;
Kifwasa yau awonso ko.+
9 Muna Yakobo ivaikisila e mbongo
Muna Yuda ivaikisila ndiona ovua e miongo miame;+
Awana nsolele bevua e nsi,
E selo yame i mûna bezingila.+
10 Mu kuma kia nkangu ame una ukumpavanga,
E Sarone+ ikituka se madilu ma mameme,
O Ndimb’a Ako+ ukituka se fulu kia vundila kia ngombe.
11 Kansi oyeno nuina vana kati kw’awana babembwele Yave,+
Awana bavilakene o mongo ame avauka,+
Awana beyalanga meza mu kuma kia nzambi a Malau
Ye awana bezadisanga e mbungwa ye vinyu yasangwa mu kuma kia nzambi a Mambu Mateka Kanua.
12 Muna kuma kiaki, ikunuyekola muna nsosolo,+
Yeno awonso nuvumbama kimana nuavondwa,+
Kadi mbokele, kansi oyeno ke nuvutwidi ko,
Mpovele, kansi oyeno ke nuwidi ko;+
Nukwamanene vanga mambu mambi ova meso mame,
Yo sola mana mekunkendelekanga.”+
13 Kansi, i wau wuwu kavovele o Mfumu Yave:
“Tala! E selo yame bedia, kansi oyeno nufwa e nzala.+
E selo yame benua,+ kansi oyeno numona e vuina.
E selo yame bemona e kiese,+ kansi oyeno nufusuka e nsoni.+
14 Tala! E selo yame beyengoloka mu kuma kia kiese kia ntima,
Kansi oyeno nukaza mu kuma kia mpasi za ntima
Ye nudila mu kuma kia lukendalalu lwasaka.
15 E nkumbu nusisa isadilwa kw’awana nsolele se sibu,
O Mfumu Yave ovonda konso muntu muna yeno,
Kansi, e selo yandi oyikila yo mu nkumbu yankaka;+
16 Kimana konso ndiona okuyivavila nsambu ova ntoto
Kasambulwa kwa Nzambi a ludi,*
Konso ndiona odia e ndofi ova ntoto
Kadila e ndofi muna Nzambi a ludi;*+
Kadi e mpasi zantete zivilakanua;
Zikatulwa ova meso mame.+
17 Tala! Nsemene zulu diampa ye nz’ampa;+
Mambu mantete ke mesungamenua diaka ko,
Ngatu kwiza diaka muna ntima.+
18 Dianu vo, nuyangalala yo mona e kiese yakwele mvu muna lekwa nsemene.
Kadi tala! Nsemene Yerusaleme se kuma kia mwena kiese
O nkangu andi se kuma kia luyangalalu.+
19 Imona e kiese mu kuma kia Yerusaleme yo yangalala mu kuma kia nkangu ame;+
Muna yandi ke muwakana diaka dilu ko yovo kazu kiampasi.”+
20 “Ke kukala diaka nsedia ko ona ozinga lumbu yakete,
Ngatu nunu ona ke lungisa lumbu yandi ko.
Kadi konso ona ofwila mu nkam’a mvu obadikilwa vo nleke,
O nsumuki ofwa mu kuma kia sibu, kana nkutu vo nkama mvu kena miau.*
22 Ke betunga nzo ko, o muntu ankaka kazingila mo,
Ke bekuna mpatu ko, kimana akaka badia.
Kadi e lumbu ya nkangu ame ikala nze lumbu ya nti,+
Awana nsolele betoma yangalela e salu ya moko mau.
24 Vitila baboka, omono ikubavana e mvutu;
Ekolo bevovanga, omono ikubawá.
25 E dievua yo mwan’a meme bedila vamosi,
O nkosi titi kedia nze ngombe,+
O ntoto ukala se madia ma nioka.
Ke bevanga mbi kwa muntu ko yovo kwa bulu ngatu fwasa konso lekwa muna mongo ame wawonso wavauka,”+ u kavovele o Yave.