Nkunga
Kuna kwa ntwadisi a nkunga; muna ngimbil’a “Nkayi a Mene.”* Nkung’a Davidi.
22 E Nzambi ame, e Nzambi ame, ekuma ungiambulwidi?+
Ekuma olembi kwiza kumpuluzila?
Ekuma olembele wila kazu kia mpasi zame?+
2 E Nzambi ame, muna mwini mbokele, kansi kuvutwidi ko;+
Muna fuku kibutamene ko.
3 Ongeye wavauka,+
Isaele yawonso ikukembelelanga.
5 Kwa ngeye bakazanga, bavuluzwanga;
Kwa ngeye babunda e vuvu, ke bafusuka nsoni ko.+
8 “Obundidi Yave e vuvu. Yambula kankûla!
Yambula kamvuluza, avo otoma kunzolanga!”+
9 Ngeye wampaikisa muna vumu,+
Ngeye wantanina vana ntulu za ngudi ame.
10 Vana moko maku yayekekwa* tuka yawutukila;
Tuka muna vumu kia ngudi ame, ngeye u Nzambi ame.
14 Ntiamwinu nze maza;
E visi yame yawonso ivambane muna mayikilu.
15 E ngolo zame ziyumini nze vasi kia kinzu kia tûma;+
Lulaka lwame lulaminini muna mfingini ame;+
Unkulumwini muna wulu kimana yafwa.+
17 Ndenda tanga visi yame yawonso.+
E mbeni zame bekuntalanga yo kuntungununa.
19 Vo i ngeye, e Yave, kukadi kwandá ko.+
Ngeye i ngolo zame; wiza nswalu wansadisa.+
20 Umpuluza* muna nsosolo,
Vuluza moyo ame wantalu muna ngolo za* mbwa;+
21 Umpuluza muna nu’a nkosi+ ye muna mpoka za mpakasa;
Umpana e mvutu yo kumpuluza.
23 Oyeno nuvuminanga Yave, nunkembelela!
Yeno awonso mbongo a Yakobo, nunkembela!+
Nunzitisa, yeno awonso mbongo a Isaele.
Vava kankazidi, owidi.+
25 Ikukembelela muna nkutakani anene;+
Lungisa ilungisa e nsilu miame vana vena awana bekumvuminanga.
Yambula nuazinga* yakwele mvu.
27 E nsuka zawonso za nza zisungamena yo vutuka kwa Yave.
Makanda mawonso ma zula mefukama vana ndose andi.+
28 Kadi e kimfumu kia Yave;+
Yandi oyalanga e zula.
29 Mvuama zawonso za* nza bedia yo vumbama;
Awonso bekulumukanga muna ntoto befukama vana kena;
Ke mosi ko olenda vuluza moyo andi.
30 E mbongo au ikunsadila;
E mbandu ikwiza, bezayiswa oma ma Yave.
31 Bekwiza yo zingula unsongi wandi.
Besamuna mana kevanganga kwa nkangu usinga uwutuka.