Yesaya
30 “Nkenda kwa wana bena vo akolami,”+ u kavovele o Yave,
“Ana bevanganga mambu mana kikanini ko,+
Ana bevanganga kikundi,* kansi ke mun’owu wa mwand’ame ko,
Muna kudikila sumu vana ntandu a sumu.
2 Bekulumukanga kuna Engipito+ lembi kungiuvula,*+
Mu swekamena kuna nsi a lutaninu lwa Faro*
Yo tinina vana viozi kia Engipito!
3 Kansi, o lutaninu lwa Faro lukituka kwa yeno se kuma kia mwena e nsoni,
E tininu vana viozi kia Engipito dikituka se kuma kia luvezo.+
4 Kadi e mfumu zandi muna Soane bena,+
E ntumwa zandi zilweke kuna Kanese.
5 Yau awonso nsoni bemweswa
Kwa nkangu ke ulendi kubatwasila nluta ko,
Ana ke bevananga lusadisu ko ngatu nluta,
Nsoni kaka ye luvezo.”+
6 Nsangu za mfundisa mu kuma kia bulu ya sude:
Muna nsi ya lukendalalu ye mpasi,
Ya nkosi, ya nkosi ikwitanga,
Ya mpidi ye niok’ampondi itilumukanga*
Oyau benatinanga umvuama wau vana nim’a mabuluku.
E lekwa yau vana kunda ya samo.
Kansi, e lekwa yayi ke itwasa nluta ko kwa nkangu.
7 Kadi, o lusadisu lwa Engipito ke luna nkutu mfunu ko.+
Kiaki i kuma inyikidi vo: “Rakabi,+ ona ovuende kaka.”
8 “Owau wenda, soneka dio mu babu vana ntadisi au,
Soneka dio mu nkanda,+
Kimana muna lumbu ikwiza diasadilwa
Se umbangi wakwele mvu.+
10 Bevovanga kwa awana bemonanga mambu vo: ‘Ke numoni ko,’
Kwa amoni a mona-meso vo: ‘Ke nutuzayisa mona-meso yakieleka ko.+
Nutuzayisa mambu mambote;* nutuzayisa mona-meso yaluvunu.+
11 Nuvengomoka muna nzila; nukatuka muna mayendelo.
Nuyambula tula o Mvauki a Isaele ova ntadisi eto.’”+
12 Ozevo, i wau wuwu kavovele o Mvauki a Isaele:
“Wau vo nubembwel’e diambu diadi+
Nubundidi e vuvu muna wivi yo luvunu
Yo yekama mo,+
13 E mbi yayi ikala kwa yeno nze yaka kina ye mbamvu,
Nze yaka kiandá kiyekokele, eki kibwa ke kolo ko.
Kiwulumuka vana vau, kuna kinsalukisa.
14 Kiwudika nze mbidika yanene ya nwumbi,
Itoma kosomoka, ke vesala kana belengenze kimosi ko vana vena e tini yandi
Eki kilenda bongelwa tiya vana ziku
Yovo kilenda tekelwa maza vana yanga.”*
15 Kadi i wau wuwu kavovele o Mfumu Yave, wa Mvauki a Isaele:
“Avo nuvutuka kwa mono yo vunda, nuvuluzwa;
Avo nukala nuavuvama yo bunda e vuvu, nuvua o nkuma.”+
Kansi oyeno ke nuzolele ko.+
16 Kansi, nuvovele vo: “Nkatu, mu mvalu tutinina!”
Ekiaki i kuma nutinina kikilu.
“Mu mvalu mianswalu tudiatila!”+
Muna kuma kiaki, awana bekunulanda akwa nswalu mpe bekala.+
17 E funda dia wantu dizakama mu kuma kia mvumisa ya muntu mosi kaka;+
Mu kuma kia mvumisa ya wantu tanu, oyeno nutina,
Yavana awana besala omu yeno bekala nze lunzi diandá vana ntandu a mongo,
Nze lunzi dia sinsu vana kundubulu.+
18 Kansi, Yave ovingilanga ye luzindalalu lwawonso mu kunusonga e dienga,+
Oyandi otelama kanufwila e nkenda.+
Kadi o Yave i Nzambi a unsongi.+
Akwa kiese awonso ana bekumvingilanga ye tima diawonso.+
19 Vava o wantu bezingila muna Zione, muna Yerusaleme,+ oyeno ke nudila nkutu ko.+ Oyandi okunusonga kikilu e dienga vava nukaza mu lomba lusadisu; okunuvana e mvutu vana vau vava kewá e kazu kieno.+ 20 Kana una vo Yave okunuvana e mpasi se madia meno, o lubangamu se maza meno,+ o Nlongi eno Anene ke kuyisweka diaka ko. Oyeno numona Nlongi Anene+ eno muna meso meno. 21 Avo nuvengomoka ku lunene yovo ku lumonso,+ o matu meno mewá e ndinga oku nima vo: “Eyayi i nzila.+ Nudiatila mo.”
22 Oyeno nufunzula e teke yeno yavalwa yakuswa e palata ye teke yeno yasengwa* yakuswa e wolo.+ Veta nuveta yo nga tenda kia menga ma nkento una ku ngonde, nuvovesa yo vo: “Nukatuka!”*+ 23 Oyandi onokesa e mvula mu kuma kia mbongo ina nukuna muna ntoto,+ madia mevaika muna ntoto mekala mayingi ye mambote.*+ Muna lumbu kiakina, e twelezi yeno idila muna madilu mampwena.+ 24 E ngombe yo mabuluku mana mevatanga o ntoto bedia madia mambote, mana mavevelo muna pawu yo nsoma wanene. 25 Vana konso mongo wandá ye vana konso kundubulu kiazanguka vekala ye nkoko mia maza ye nkukwila,+ muna lumbu kia mpond’ampwena, vava e nzo zandá zibwa. 26 E miezi mia ngonde alunga mikituka nze ntemo a ntangwa; o ntemo a ntangwa ukituka se wangolo nkumbu nsambwadi,+ nze ntemo a lumbu nsambwadi, muna lumbu kina o Yave kekanga e mput’a nkangu andi+ yo sasula e mputa anene ina yandi kabalwekele.+
27 Tala! O Yave mu kwiza kena* tuka kuna vala,
Ikweme yo makasi mandi yo matuti manene.
E befo yandi izele ye nganzi,
O lubini lwandi luna nga tiya twambomoni.+
28 O mwand’andi una* nga maza ma nkoko masampukidi, malweke yamuna nsingu,
Kimana kayungula e zula muna yungulu kia lufwasu;*
E nkangu mikala ye bindikilwa muna nua miau+ muna kubabendomona.
29 Kansi, o nkunga eno ukala nze i nkunga uyimbilwanga muna fuku
Vava nukubamanga* mu kuma kia nkinzi,+
E ntima mieno miyangalala
Nze muntu okangalanga ye* tutu
Mu kwenda kuna mongo a Yave, kuna kwa Tadi dia Isaele.+
30 Yave owisa e nding’andi ankembo+
Yo sengomona koko kwandi,+ oku kukulumuka ye makasi mayingi,+
Yo nlaku a tiya twambomoni,+
Mvula yangolo yakinsalukisa,+ mvul’a mupepe wangolo ye mvul’a matadi.+
32 Konso nzwabula ina o Yave kezwabula Asuri
Muna nkau andi a tumbila
E nsambi ye kokolo isikwa+
Ekolo kenikuna o koko kwandi muna nuana yau.+
E fulu kina kavangidi mu kuma kia zudika dia nkuni kiakoba,
Mwina ye tiya ye nkuni zayingi.
E fulumwinu kia Yave, kina nga nkoko a lengo,
Kikwika yo tiya.