Wanzole wa Tusansu
36 I bosi, o nkangu a nsi babongele Yoakazi wa mwan’a Yosiya,+ bantumbikidi se ntinu muna Yerusaleme vana fulu kia se diandi.+ 2 Yoakazi mvu 23 kakala miau vava kayantika yala, ngonde tatu kayala muna Yerusaleme. 3 Kansi, ntinu a Engipito unkatwidi vana kunda kia kimfumu muna Yerusaleme, ozengele nsi e mpaku ya 100 talanta* za palata ye talanta imosi ya wolo.+ 4 Vana ntandu, ntinu a Engipito okitwidi Eleyakime wa mpangi a Yoakazi se ntinu a Yuda ye Yerusaleme, unsobele nkumbu vo Yoyakime; kansi, Neko+ obongele mpangi andi Yoakazi unete kuna Engipito.+
5 Yoyakime+ mvu 25 kakala miau vava kayantika yala, mvu 11 kayala muna Yerusaleme. Wakwamanana vanga mambu mambi vana meso ma Yave wa Nzambi andi.+ 6 Nebukandesa+ wa ntinu a Babele unlwakidi kimana kankanga muna tuvambu tole twa nsongo kanata kuna Babele.+ 7 Nebukandesa onete salanganu yankaka ya nzo a Yave kuna Babele, osidi yo muna lûmbu lwandi kuna Babele.+ 8 Vo i mambu mankaka ma lusansu lwa Yoyakime, mambu mangemi mana kavanga ye mbi yasoloka muna yandi, masonama muna Nkanda wa Ntinu mia Isaele ye Yuda; mwan’andi Yoyakine oyantikidi yala vana fulu kiandi.+
9 Yoyakine+ mvu 18 kakala miau vava kayantika yala, ngonde tatu ye lumbu kumi kayala muna Yerusaleme; wavanganga mambu mambi vana meso ma Yave.+ 10 Kuna lubantiku lwa mvu,* Nebukandesa wa Ntinu otumini wantu bantwasa kuna Babele+ kumosi ye lekwa yantalu ya nzo a Yave.+ Nabukandesa okitwidi Sedekiya wa mpangi a se diandi se ntinu muna Yuda ye Yerusaleme.+
11 Sedekiya+ mvu 21 kakala miau vava kayantika yala, mvu 11 kayala muna Yerusaleme.+ 12 Wakwamanana vanga mambu mambi vana meso ma Yave wa Nzambi andi. Kayisakidika ko vana vena Yeremiya+ wa ngunza ona wavovela muna lutumu lwa Yave. 13 Watelamena mpe Nebukandesa+ wa Ntinu ona wandisisa e ndofi kuna kwa Nzambi, okedi se nkwa lulendo* yo ntim’a mbândi, kazolele vutuka kwa Yave wa Nzambi a Isaele ko. 14 Mfumu zawonso z’anganga ke bakala kikilu ye kwikizi ko, bavanganga mambu mawonso mangemi ma esi zula, bafunzula e nzo a Yave+ ina kavaula muna Yerusaleme.
15 Yave wa Nzambi au wabatumina anati a nsangu zandi ana babalukisanga ntangwa ke ntangwa, kadi wafwila nkangu andi e nkenda ye fulu kiandi. 16 Kansi, bavezanga anati a nsangu za Nzambi aludi+ yo tianguna mambu mandi+ ye ngunza zandi+ yavana makasi ma Yave malwakila nkangu andi,+ ke vakala diaka nsasuka ko.
17 Dianu vo, ubalwakisidi ntinu a Akaladi+ ona wavonda matoko mau muna nsosolo+ vana nzo avauka;+ kafwila matoko nkenda ko ngatu mienze, mbuta yovo mbevo.+ O Nzambi oyekwele lekwa yawonso vana koko kwandi.+ 18 E salanganu yawonso ya nzo a Nzambi aludi, yanene ye yakete kumosi ye tusalu twa nzo a Yave ye tusalu twa nzo a ntinu ye mfumu zandi, yawonso onete yo kuna Babele.+ 19 Oyokele nzo a Nzambi aludi,+ obangwidi yaka ya Yerusaleme,+ oyokele nzo zandi zandá zawonso, ofwasidi lekwa yawonso yantalu.+ 20 Obakidi ana bavuluka muna nsosolo+ yo kubanata kuna Babele, bakedi ntaudi zandi+ ye ntaudi za wan’andi yavana kintinu* kia Parasa kiayantika yala,+ 21 muna lunganisa diambu dia Yave diavovua kwa Yeremiya+ yavana e nsi ifuta lumbu yandi ya vundu.+ Ekolo kiawonso yasala e nkatu, e nsi yavunda,* yavana kialunga 70 lwa mvu.+
22 Muna mvu wantete wa luyalu lwa Kurese+ wa Ntinu a Parasa, muna lunganesa e diambu dia Yave dina diavovua kwa Yeremiya,+ Yave osikamese mwand’a Kurese wa Ntinu a Parasa kimana kaboka nkoki muna kintinu kiandi kiawonso, osonekene wo mpe muna nkanda,+ oku vo: 23 “I wau wuwu kavovele o Kurese wa Ntinu a Parasa: ‘Yave wa Nzambi a zulu umpene yintinu yawonso ya nza,+ untumini yantungila e nzo muna Yerusaleme, ina muna Yuda.+ Ovava avo vena yo muntu una vo wa nkangu andi, yambula Yave wa Nzambi andi kakala yandi, yambula katomboka kûna.’”+