Yezekele

37 O koko kwa Yave kukedi omu mono, o Yave muna mwand’andi umbongele, unsidi vana kati kwa ndimba+ wazala ye visi. 2 Umpiokesele muna ndambu zawonso za fulu kikedi e visi, mbwene ulolo wa visi yalavalala vana ndimba, yatoma yuma.+ 3 Ungiuvuidi vo: “E mwan’a muntu, nga e visi yayi ilenda kala diaka o moyo?” Imvutwidi vo: “E Mfumu Yave, ngeye kaka ozeye.”+ 4 I bosi, umpovese vo: “Sakula mu kuma kia visi yayi, vovesa yo vo: ‘Oyeno visi yayuma, nuwá e diambu dia Yave:

5 “‘I wau wuwu kavovele o Mfumu Yave kwa visi yayi: “Kotesa nkotesa e fulumwinu omu yeno, nukala diaka o moyo.+ 6 Menesa imenesa e mianzi ye nsuni omu yeno, ikunufuka e nkanda yo kotesa e fulumwinu omu yeno, nukala diaka o moyo; nuzaya wo vo mono i Yave.”’”

7 I bosi, nsakwidi wauna nkanikinu. Vava mfokwele o sakula, vana vau vavaikidi mazu, zú dia lekwa itotakananga, e visi iyantikidi yikakiana, visi ye visi. 8 Mbwene mianzi ye nsuni mimenene muna visi, o nkanda ufukidi yo. Kansi omu yau ke mukedi ntete ye fulumwinu ko.

9 I bosi umpovese vo: “Sakula kwa tembwa. Sakula, e mwan’a muntu, vova kwa tembwa vo: ‘I wau wuwu kavovele o Mfumu Yave: “E tembwa,* wiza tuka muna ndambu zau yá,* vevomoka vana ntandu a wantu awaya bavondwa, kimana bakala diaka o moyo.”’”

10 Muna kuma kiaki, nsakwidi wauna kankanikini, e fulumwinu kikotele* muna yau, bakedi diaka o moyo yo telama,+ bakitukidi se vu kianene kikilu.

11 I bosi, umpovese vo: “E mwan’a muntu, e visi yayi i nzo yawonso ya Isaele.+ Oyau bevovanga vo: ‘E visi yeto iyumini, e vuvu kieto kidimbukidi.+ Tufukidi emvimba.’ 12 Ozevo, sakula yo kubavovesa vo: ‘I wau wuwu kavovele o Mfumu Yave: “E nkangu ame, iziula e ziami yeno+ yo kunutombola tuka muna ziami yeno yo kununata kuna nsi a Isaele.+ 13 Oyeno nuzaya wo vo mono i Yave vava iziula e ziami yeno yo kunutombola muna ziami yeno, e nkangu ame.”’+ 14 ‘Sia isia o mwand’ame omu yeno, nukala diaka o moyo,+ ikunusia muna nsi eno; nuzaya wo vo mono Yave mpovele wo, ivanga wo kikilu,’ u kavovele o Yave.”

15 E diambu dia Yave dizidi diaka kwa mono, oku vo: 16 “E mwan’a muntu, bonga o nti, soneka mo vo: ‘Wa Yuda yo nkangu a Isaele ana bena yandi.’*+ I bosi, bonga nti wankaka, soneka mo vo: ‘Wa Yosefe, o nti a Eferaime ye nzo yawonso ya Isaele ana bena yandi.’*+ 17 I bosi, bundakesa e nti miau miole kimana miakituka se nti mosi vana koko kwaku.+ 18 Vava o nkangu aku ukuyuvula* vo: ‘Nga kukutuzayisa ko e nsas’a mambu mama e?’ 19 Ubavutula vo: ‘I wau wuwu kavovele o Mfumu Yave: “Ibonga o nti a Yosefe, owu wina vana koko kwa Eferaime yo makanda ma Isaele mena yandi, ikubabundakesa yo nti a Yuda; ikubakitula se nti mosi,+ oyau bekituka se mosi vana koko kwame.”’ 20 E nti mina osonekene mifwete kala vana koko kwaku kimana bamona mio.

21 “Ubavovesa vo: ‘I wau wuwu kavovele o Mfumu Yave: “Ibonga Aneyisaele muna zula ina bayenda, ikubakutakesa tuka muna ndambu zawonso yo kubatwasa muna nsi au.+ 22 Ikubakitula se zula kimosi muna nsi,+ vana miongo mia Isaele, ntinu mosi oyala yau awonso,+ ke bekala diaka zula yole ko; ngatu vambana diaka mu yitinu yole.+ 23 Ke bekuyisafula diaka ko muna teke yau yangemi* ye muna mavangu mau mambi ye makuzuka mau mawonso.+ Ikubakatula muna mavangu mau ma kondwa kwikizi mana basumukina, ikubavelelesa. Bekala nkangu ame, omono ikala se Nzambi au.+

24 O Davidi wa selo kiame okala se ntinu au,+ yau awonso bekala yo mvungudi mosi.+ Bekangalela muna nzengo zame za mfundisa yo lunda e nkanikinu miame una ufwene.+ 25 Bezingila muna nsi ina yavana kwa selo kiame, kwa Yakobo, e nsi yazingila akulu eno,+ bezingila mo yakwele mvu,+ oyau yo wan’au ye atekolo au;+ o Davidi wa selo kiame okala mfumu au yakwele mvu.+

26 “‘“Ikanga yau e kangu dia luvuvamu;+ dikala se kangu diakwele mvu yo yau. Ikubasikidisa muna nsi yo kubawokesa,+ isia e nzo ame avauka vana bena yakwele mvu. 27 E saba kiame kikala* vana bena,* omono ikala Nzambi au, oyau bekala se nkangu ame.+ 28 E zula izaya wo vo mono Yave mvawidi e Isaele vava e nzo ame avauka ikala vana kati kwau yakwele mvu.”’”+