Ampangi bekayanga e mboka ya Luyindulu kuna Albania
Nsunzula Zaleboka
EYINGIDILU
Kiuvu: Muna ngindu zaku, nkia lukau lusundidi o mfunu katuvana o Nzambi?
Sono: Yoa 3:16
Olenda vova: Eyingidilu diadi disonganga e kuma Nzambi katumina Yesu ova ntoto kafwa mu kuma kieto ye una tulenda songela luyangalalu lweto muna lukau lwalu.
NKI I KINTINU KIA NZAMBI?
Sono: [Songa lukaya lwansuka lwa tratado.] Nkia mvutu ovana muna kiuvu kiaki? Nga Kintinu kia Nzambi mu ntim’aku kina? Nga savu? Yovo luyalu lwa zulu?
Olenda vova: E tratado yayi isasilanga dina Kintinu kia Nzambi kilenda vanga kwa ngeye.
MBOKA YA LUYINDULU
Olenda vova: Mboka ya lukutakanu lwamfunu tukayanga kwa wantu. [Vana e mboka kwa muntu.] Kina kia 11 kia Abidi, ulolo wa wantu mu nza yawonso bekutakana mu yindula lufwa lwa Yesu Kristu yo wá e longi dia Nkand’a Nzambi dia ngovo edi disonga una lufwa lwandi lukututwasilanga nluta. E mboka yayi yisonganga e ola ye fulu kikala lukutakanu mu zunga kieto. Tuna ye vuvu vo okwiza lungana yeto.
KUBIKA NSUNZULA MU MVOVO MIANGEYE KIBENI
Sadila e ndekwa zina va ntandu mu kubika nsunzula mu mvovo mia ngeye kibeni.