Lusansu

Fwilanga Wantu Awonso e Nkenda

Lumbu kimosi, mpangi ankento kûna Nova zelândia watala e video, “Tokanenanga o Wete wa Muntu yo Nkwandi” eyi yasonga vo Yave ke monanga kaka nkenda ko, kansi ovanganga mpe diambu. (Yes. 63:7-9) Mpangi ankento wasadila mana kalongoka muna video. Wavava mpila kalenda sadisila akaka. I bosi, muna lumbu kiakina kaka, vava kayenda sumba e lekwa, wawanana yo nkento mosi wazingilanga mu bala-bala mu kuma kia kondwa e nzo ye wansumbila madia. Vava kamvana madia, wasadila finkanda, Nga e Mpasi Zisinga Fokoka? muna kunsila umbangi.

O nkento ndiona wayantika dila. Wavova kwa mpangi eto ankento vo mase mandi Mbangi za Yave ye banlonga ludi. Kansi wayambula e ludi se vioka mvu miayingi. Ke kolo ko kasambidi kwa Yave kansadisa kimana kavutuka kunsadila. O mpangi ankento wamvana e Bibila ye bawizana kimana kayantika longoka yandi.a

Nze Yave, oyeto mpe tulenda fwila wantu e nkenda kumosi ye yitu yeto ye mpangi zeto muna nkutakani. Tulenda songa mpe vo tufwilanga wantu e nkenda muna vavanga malau kinumana twabasamunuina e nsangu zambote.