E Salu kia Kaya e Mboka za Luyindulu kia 22 kia Malusu Kiyantika

Mu mvu wau, e salu kia kaya e mboka za Luyindulu kia Sabala kia 22 kia Malusu kiyantika. Yeto awonso tukasakeso mu kuyivana muna salu kiaki una ufwene. Avo dilendakana, kuna nsuka lumingu, tukaya mpe Eyingidilu ye Despertai!. Kina kia Sabala muna lumingu lwantete lwa ngonde ya Abidi, vana fulu kia yantika longoka Nkand’a Nzambi yo wantu, tusia e sungididi muna salu kia kaya e mboka. Kansi avo tuwanane yo muntu osongele luzolo lwambote, tulenda yantika longoka yandi o Nkand’a Nzambi. O nkengi a salu olenda sola e zunga kikayilwa e mboka muna sila umbangi vana fulu ya ndonga. Ediadi disadisa e nkutakani mu sila umbangi kwa wantu ayingi muna zunga kia nkutakani. O wantu awaya balenda kala, yitu, akundi a salu, a sikola ye awana tuvutukilanga kingula. Soneka e nkumbu za wantu ozolele bokela ye ubavana e mboka vava tuyantika zo kaya. Tusidi e vuvu vo ndonga belungana yeto ekolo tuyindula e mpila Yave yo Yesu batusongela o zola.—Yoa. 3:16; 15:13.