Olenda Kwaku Yambulwila e Fu kia Menga Akaka!

Avo kwasidi mengwa ko, nanga wamona kala muntu wamengwa. Nkumbu miayingi tumonanga wantu bemengwanga mu kuma kia nsi batuka, se kia nitu yovo mu kuma kia dibundu diau. Muna kuma kiaki, nsi zayingi zayantikidi sikidisa e nsiku muna tumba o wantu bemenganga akwau.

O wantu ana bemengwanga, nkumbu miayingi oyau mpe beyantikanga menga akaka. O wantu awaya bevavanga vutula e mbi muna mbi, ediadi diwokesanga e fu kia mengaziana.

Nanga wamona kala e mpasi za siwa mpambula, mengwa, vezwa, fingwa yo vumiswa mu kuma kia mpw’aku. Kansi, awana bemenganga akwau, mambu mayingi diaka mansoki bevanganga. Nkumbu miayingi befwasanga yovo yiya e lekwa yangani, leka o wantu mukingolo, yiya wantu, sia e mvuanga muna zimbanza yo vonda nkutu.

Eyingidilu diadi divana e mvutu za yuvu ilende yo songa una muntu kalenda sundila e fu kia menga akaka.

• Ekuma e fu kia menga akaka kiwokelelanga?

• Aweyi o wantu balenda sundila e fu kia menga akaka?

• Nga vekala ye ntangwa ina e fu kia menga akaka kifokola emvimba?