Tuku
12 I bosi, Yave ovovese Abarama vo: “Katuka omu nsi aku, sisa e yitu yaku ye nzo a se diaku, wenda kuna nsi ikusonga.+ 2 Ikukitula se zula kianene, ikusambula yo tundidika e nkumbu aku, o wantu omu ngeye besambulwilwa.+ 3 Isambula awana bekusambula yo siba ona okusiba,+ o makanda mawonso ova ntoto omo ngeye mesambulwilwa.”*+
4 Muna kuma kiaki, Abarama wele wauna Yave kanzayisi, wele kumosi yo Loti. Abarama kimbuta kia mvu 75 kakala vava kasisa e mbanz’a Karani.+ 5 Abarama obongele nkaz’andi Sarai+ yo Loti wa mwan’andi ankazi*+ ye mavua mawonso+ bakala mau ye wantu* babakidi muna Karani, bele kuna nsi ya Kenani. Vava balweke muna nsi ya Kenani,+ 6 Abarama oviokele muna nsi yayi yakuna zunga kia Sekeme,+ lukufi ye nti mianene mia More.+ Muna ntangwa yayina, Anekenani muna nsi bazingilanga. 7 I bosi, Yave omonekene kwa Abarama, umvovese vo: “Kwa mbongo aku+ ivana e nsi yayi.”+ Muna kuma kiaki, Abarama otungidi Yave e ziku vana fulu kiokio, ona omonekene kwa yandi. 8 Kuna kwalanda, oyalukidi vo, wele kuna zunga kia miongo kuna este ya Betele,+ ovangidi saba kiandi, e Betele kuna weste, Ai+ kuna este. Otungidi vo Yave e ziku,+ oyantikidi vovela e nkumbu a Yave.+ 9 I bosi, Abarama oyalukidi yo kwenda muna nzil’a Nengebe,+ olekelele muna nzila.
10 O mvengele ukotele muna nsi, Abarama okulumukini kuna Engipito kazingila kûna mu fikolo,*+ kadi o mvengele usakidi omu nsi.+ 11 Vava Abarama kafinamene kota muna Engipito, ovovese nkaz’andi Sarai vo: “Dodokolo, ungwa! Nzeye wo vo u nkento ambote-mbote.+ 12 Vava esi Engipito bekumona, bevova vo: ‘Ndioyo i nkaz’andi.’ Ozevo, bekumponda, vo i ngeye moyo bekusisa. 13 Dodokolo, ubavovesa vo u nsang’ame, kimana balembi kumpanga e mbi mu kuma kiaku, watanina o moyo ame.”*+
14 Vava Abarama kakotele muna Engipito, vana vau esi Engipito bamwene vo nkento mote kikilu. 15 E mbanda-mbanda za Faro mpe bamwene, bayantikidi kunsanisina kwa Faro. Muna kuma kiaki, o nkento oneto kuna nzo a Faro. 16 Faro osongele Abarama e ngemba mu kuma kia Sarai, umvene mameme, ngombe, mabuluku ma makoko ye mankento, ntaudi zamakala ye zamakento ye samo.+ 17 I bosi, Yave otwese vuku yangolo kwa Faro y’esi nzo andi mu kuma kia Sarai, wa nkento a Abarama.+ 18 Muna diadi, Faro obokele Abarama, unyuvuidi vo: “Ekuma umpangidi e diambu diadi? Ekuma kunzayisidi ko vo yandi i nkaz’aku? 19 Ekuma ovovele vo: ‘Yandi nsang’ame?’+ Tala, omono nga ibongele kakala nkaz’ame. O nkaz’aku oyu. Umbaka, nuenda kweno!” 20 Faro otumini wantu andi basindika Abarama yo nkaz’andi ye yawonso kakala yau.+