Levitiku

12 Yave ovovese Mose vo: 2 “Zayisa Aneyisaele vo: ‘Avo nkento oyimiti yo wuta mwan’ayakala, o nkento okala wafunzuka mu lumbu nsambwadi wauna kekadilanga wafunzuka vava kekalanga ku ngonde.+ 3 Muna lumbu kianana, o mwana ozengwa e kutu kiandi.+ 4 O nkento okwamanana kuyivelelesa muna lumbu 33 ilanda mu kuma kia menga kevaikwanga. Kalendi simba konso lekwa kiavauka ko, kalendi mpe kota vana fulu kiavauka ko yavana kelungisa e lumbu ya luveleleso lwandi.

5 “‘Avo mwan’ankento kawutidi, o nkento okala wafunzuka mu lumbu 14, wauna kekadilanga wafunzuka vava kekalanga ku ngonde. O nkento okwamanana kuyivelelesa mu lumbu 66 ilanda mu kuma kia menga kevaikwanga. 6 Vava e lumbu yandi ya luveleleso mu kuma kia mwan’ayakala yovo mwan’ankento ilunga, o nkento otwasa kwa nganga vana mwelo a saba kia wananina, mwan’a meme a koko a mvu mosi se lukau lwa ngioka+ yo nsweswe a yembe yovo mbwela se lukau lwa sumu. 7 O nganga osunzula lo vana ndose a Yave yo lomba luyambulwilu lwa masumu mu kuma kia nkento, o nkento ovelela muna mpaikw’andi a menga. Owau i nsiku mu kuma kia nkento owutidi mwan’ayakala yovo mwan’ankento. 8 Kansi, avo kena ye nzimbu zafwana ko mu sumba meme, ozevo o nkento kafwete bonga mbwela zole yovo nsweswe miole mia mayembe,+ dimosi mu kuma kia lukau lwa ngioka, diankaka mu kuma kia lukau lwa sumu. O nganga olomba luyambulwilu lwa masumu mu kuma kia nkento, o nkento okala wavelela.’”