Nsiku
19 “Vava Yave wa Nzambi aku kefwasa e zula ya nsi ina Yave wa Nzambi aku kekuvana, ongeye wabayinga yo zingila muna mbanza zau ye muna nzo zau,+ 2 ofwete vambula mbanza tatu muna kati kwa nsi ina Yave wa Nzambi aku kekuvana wavua yo.+ 3 E nsi ina Yave wa Nzambi aku kekuvana wavua yo, ofwete yo kayanesa mu kunku tatu, ofwete kubika nzila kimana konso mumponda-muntu katinina muna imosi muna mbanza zozo.
4 “Edi difwete vangama mu kuma kia mumponda-muntu otinini muna mbanza zozo kimana kakwamanana zinga: Avo ovondele nkwandi lembi wo kana ye kakala mbeni andi ko;+ 5 —muna bonga e nona, avo wele yo nkwandi ku mfinda mu tiama e nkuni, kazangula e soka* mu zenga o nti, e soka diasokoka muna mva, diatela o nkwandi ye kafwa—o mumponda-muntu kafwete tinina muna imosi muna mbanza zazi kimana kakwamanana zinga.+ 6 Avo ke wau ko, mu kuma kia makasi,* o nlandi a kunda kia menga+ olakama mumponda-muntu, okumbaka yo kumvonda, wau vo e mbanza kwandá kikilu ikedi. Kansi, oyandi kafwanukini fwa ko, wau vo kamenganga nkwandi ko.+ 7 Kiaki i kuma ikukanikinanga vo: ‘Vambula mbanza tatu.’
8 “Avo Yave wa Nzambi aku owokese zunga kiaku wauna kadila e ndofi kwa akulu aku,+ kavana e nsi yawonso ina kasia o nsilu vo ovana yo kwa akulu aku+ 9 —avo olemvokele una ufwene o nkanikinu wau wawonso ikukanikinanga o unu, wazola Yave wa Nzambi aku yo kangalela muna nzila zandi ntangwa zawonso+—ozevo, ofwete kudikila mbanza tatu vana ntandu a mbanza tatu zazi.+ 10 Muna mpila yayi, ke mubunguka menga ma munkondwa-kuma ko+ muna nsi ina Yave wa Nzambi aku kekuvana se vua, kunata nkanu a menga ko.+
11 “Kansi, o muntu avo nkwandi kamenganga,+ umvingidi kimana kanwanda, kanlweka mputa ampwena* ye kafwa, o muntu ndioyo katinina muna imosi muna mbanza zazi, 12 akuluntu a mbanza andi bafwete tuma wantu benda kumbaka kwakuna, bafwete kunyekola vana moko ma nlandi a kunda kia menga, o muntu ndioyo kafwete fwa.+ 13 Ongeye kufwete* kumfwila nkenda ko, ofwete katula o menga ma munkondwa-kuma muna Isaele,+ kimana mambu maku makala mambote.
14 “Vava otambula e vua diaku muna nsi ina Yave wa Nzambi aku kekuvana wavua yo, kufwete sientola mwingilu a mfinangani aku ko+ una wasimikwa vana fulu kina akulu basikidisa e mingilu.
15 “O mbangi mosi kaka kalendi tumbisa* nkwandi ko mu kuma kia konso mbi yovo konso sumu dina kavolele.+ E diambu disikidisilwa kaka muna nu’a mbangi zole yovo muna nu’a mbangi tatu.+ 16 Avo mbangi a ntim’ambi otelele nkwandi kimbangi kialuvunu yo kumfunda vo nkanu kavolele,+ 17 o wantu wole ana bena mu ntantani betelama vana ntadisi a Yave ye vana ntadisi ya anganga ye afundisi ana bekala mu salu muna lumbu yoyo.+ 18 Afundisi betoma fimpulula e diambu,+ o muntu otele kimbangi avo mbangi aluvunu ye kimbangi kialuvunu katelele mpangi andi, 19 nufwete vanga kwa yandi wauna kakanini vanga kwa mpangi andi,+ ofwete katula diambu diambi ova kati kwaku.+ 20 Awana besala bewá wo yo mona wonga, ke besinga vanga diaka diambu diambi dia mpila yayi ko vovo wina.+ 21 Ongeye kufwete* kumfwila nkenda ko:+ Moyo mu moyo, disu mu disu, dinu mu dinu, koko mu koko, kulu mu kulu.+