25 Жыпарзат түтөтүш үчүн акация жыгачынан төрт бурчтуу жыпарзат түтөткүч+ жасады. Анын узундугу 45, туурасы 45, бийиктиги 90 сантиметр* болду. Ал мүйүздөрү менен чогуу бир бүтүн жыгачтан жасалды.+ 26 Жыпарзат түтөткүчтү: үстүн, капталдарын, мүйүздөрүн таза алтын менен каптап, өзүн тегерете алтын менен кооздоп жээктеп койду. 27 Карама-каршы турган эки капталына, тегерете жасалган жээгинин астына экиден алтын шакек жасады. Аларга аны көтөрүп жүрүш үчүн шыргыйлар киргизилмек. 28 Андан кийин акация жыгачынан шыргыйларды жасап, алтын менен каптады.