10 Бир нече убактан кийин Арундун уулдары Надап менен Абый+ жыпарзат салынчу идиштерине от менен жыпарзат+ салып, Жахабанын алдына алып келишти. Ал андай буйрук бербесе да, ошентишти.+

18 Алар Узия падышаны токтотуп: «Узия, Жахабага жыпарзат түтөтүү сенин ишиң эмес!+ Жыпарзатты дин кызматчылар гана түтөтүшү керек. Себеби алар — Арундун урпактары,+ бул ыйык кызматка ошолор дайындалган. Ыйык жайдан чыгып кет! Сен баш ийбестик кылдың, ушунуң үчүн Жахаба Кудайдын көз алдында урматталбайсың»,— дешти.

11 Алардын алдында ысрайыл элинин 70 аксакалы туруптур, арасында Шапандын+ уулу Жазания да бар экен. Ар бири колуна жыпарзат түтөтүлчү идиш кармап туруптур. Жыпарзаттын коюу түтүнү жогору көтөрүлүп жатты.+ 12 Анан ал мага: «Адам уулу, ысрайыл элинин аксакалдарынын караңгыда, ар бири өзүнүн буркандары оюлуп түшүрүлгөн ички бөлмөлөрдө эмне кылып жатканын көрдүңбү? Алар: „Жахаба бизди көрбөйт. Жахаба бул жерди таштап кетти“,— деп жатышат»,— деди.+