29 Кайра-кайра ашкереленгенине карабай тоң моюндук кылган киши+
Күтүлбөгөн жерден ойрон болот, кайра турбайт.+
2 Адил кишилер көп болсо, эл кубанат,
Ал эми ыймансыз бийлик жүргүзсө, эл үшкүрүнөт.+
3 Акылмандыкты жакшы көргөн киши атасын кубантат,+
Ал эми сойкулар менен мамилелешкен киши байлыгынын баарын чачат.+
4 Падыша өлкөсүн адилеттүүлүк менен бекемдейт,+
Паракор киши болсо бүлгүнгө учуратат.
5 Бирөөгө кошомат кылган киши
Анын бут алдына тор жаят.+
6 Жаман кишинин кылмышы өзүн тузакка түшүрөт,+
Ал эми адил киши кубанып-шаттанып үн салат.+
7 Адил киши жакырдын укуктары жөнүндө ойлонот,+
Ал эми ыймансыз ойлоп да койбойт.+
8 Ооз көптүрө сүйлөгөндөр шаардагы элдин ортосуна от жагат,+
Акылмандар болсо каарды кайт кылат.+
9 Акылдуу киши акылсыз менен талашып-тартыша турган болсо,
Ачуу сөздөн, шылдыңдан башка эч кандай пайда таппайт.+
10 Канкорлор айыпсызды жек көрүшөт,+
Чынчылдын жанын кыюуну көздөшөт.
11 Акылсыз бүт ачуусун чыгарат,+
Ал эми акылдуу сабыр кылат.+
12 Башкаруучу жалган кепке кулак төшөсө,
Кызматчыларынын баары ыймансыз болот.+
13 Жакыр менен эзүүчүнүн бир жалпылыгы бар:
Экөөнө тең өмүрдү Жахаба берет.
14 Падыша жакырдын ишин акыйкат териштирсе,+
Тактысы дайым бекем болот.+
15 Чыбык, оңдоп-түзөө акылман кылат,+
Ал эми өз эркине коюлган бала энесин уятка калтырат.
16 Ыймансыздар көбөйгөндө, кылмыш көбөйөт,
Бирок адил адамдар алардын ойрон болгонун көрөт.+
17 Уулуңду тарбияла, ошондо жаның тынч болот,
Ал сени зор кубанычка бөлөйт.+
18 Кудайдан аян берилбеген жерде эл баш бербейт,+
Ал эми мыйзамды сактагандар бактылуу.+
19 Кулду сөз менен эле оңдоп-түзөө жетишсиз,
Анткени ал түшүнүп турса да, баш ийбейт.+
20 Ойлонбой сүйлөгөн кишини көрдүң беле?+
Ага караганда акылсыздын оңолоруна көбүрөөк үмүттөнсө болот.+
21 Кулду жаш чагынан эркелетсең,
Кийин жакшылыгыңды баалабай калат.
22 Ачуусу чукул киши уруш чыгарат,+
Каарданганга жакын киши көп күнөө кылат.+
23 Адамды текебердиги басынтат,+
Ал эми момун киши даңкка жетет.+
24 Ууруга шерик болгон киши өзүнө өзү душман.
Ал күнөөкөргө каршы күбөгө өтүү жөнүндөгү жарыяны укса да, эч нерсе айтпайт.+
25 Адамдардан корккон тузакка түшөт,+
Ал эми ким Жахабага таянса, ал аны коргойт.+
26 Көптөр башкаруучунун алдына барганга умтулат,
Бирок адамды адилеттикке Жахаба жеткирет.+
27 Адил киши адилетсиз кишиден жийиркенет,+
Ал эми ыймансыз түз жолдо жүргөн кишиден жийиркенет.+