Башталыш
2 Асман менен жер жана алардагынын бардыгы ушундайча жаратылып бүттү.+ 2 Жетинчи күнгө оогондо Кудай өзүнүн бардык иштерин бүтүрүп, ошол күндөн тартып эс ала баштады.+ 3 Кудай жетинчи күнгө батасын берип, аны ыйык деп жарыялады. Себеби ниет кылган иштеринин баарын бүтүрүп, ошол күнү эс ала баштады.
4 Бул — асман менен жер жаратылган убактын баяндалышы. Жахаба* Кудай асман менен жерди жараткан+ ошол күнү* ушундай нерселер болгон.
5 Ал кезде жер бетинде бир да бадал, бир да өсүмдүк жок болчу. Анткени Жахаба Кудай жерге жамгыр жаадыра элек эле, жерди иштеткенге адам да жок болчу. 6 Жерден буу көтөрүлүп, бүт жер бети сугарылып турчу.
7 Анан Жахаба Кудай топурактан адам жаратып,+ таноосуна өмүр демин үйлөдү,+ ошондо ал тирүү жан* болуп калды.+ 8 Жахаба Кудай чыгыш жактагы Эйденге+ бак отургузуп, өзү жараткан адамды+ ошол бакка жайгаштырды. 9 Жахаба Кудай мөмөсү даамдуу, көрүнүшү жакшы ар кандай дарактарды өстүрдү. Бактын ортосуна өмүр дарагын+ жана жаман-жакшыны таанытып-билдире турган даракты*+ да өстүрдү.
10 Эйденде бакты сугара турган дарыя акчу. Ал андан ары агып барып, төрт дарыяга бөлүнчү. 11 Биринчисинин аты — Пишон. Ал алтыны бар бүт Хабила жерин айланып агат. 12 Ал жактын алтыны таза. Ошондой эле ал жерде жыпар жыттуу чайыр менен оникс ташы да бар. 13 Экинчиси — Гихон. Ал бүт Куш* жерин айланып агат. 14 Үчүнчүсү — Хидекел*.+ Ал Ашурдан*+ чыгышты көздөй агат. Төртүнчүсү — Эфрат*.+
15 Жахаба Кудай Эйден багын иштетсин, карасын деп адамды ошол жакка жайгаштырды.+ 16 Анан Жахаба Кудай адамга мындай деп буйрук берди: «Бактагы бардык дарактын жемишинен каалашыңча жесең болот.+ 17 Бирок жаман-жакшыны таанытып-билдире турган дарактын жемишинен жебе, болбосо аны жеген күнү өлөсүң».+
18 Анан Жахаба Кудай: «Адамдын жалгыз болгону жакшы эмес. Аны толуктап тура турган жардамчы жаратып берейин»,+— деди. 19 Жахаба Кудай топурактан ар кандай жапайы жаныбарларды, асманда учкан канаттууларды жараткандан кийин аларды эмне деп атайт экен деп адамга алып келе баштады. Адам ар бирин эмне деп атаса, ал ошентип аталып калды.+ 20 Адам бардык үй айбанаттарына, асманда учкан канаттууларга, жапайы жаныбарларга ат койду. Бирок өзүнө ылайыктуу шерик, жардамчы жок болчу. 21 Ошондо Жахаба Кудай адамды катуу уктатып койду. Анан ал уктап жатканда, бир кабыргасын алып, ал жерин кайра бүтөп койду. 22 Анан Жахаба Кудай ошол кабыргадан аял жаратып, адамга алып келди.+
23 Ошондо адам:
«Мына, бул — менин сөөгүмдөн чыккан сөөк,
Денемден алынган дене.
24 Ошондуктан эркек ата-энесин калтырып, аялы менен биригет* да, экөө бир бүтүн* болот.+ 25 Экөө тең: эркек да, аялы да жылаңач эле,+ бирок уялышчу эмес.