Ышая

61 Эгедер Теңир Жахаба мага ыйык рухун берди,+

Себеби Жахаба мени мүнөзү жумшактарга жакшы кабар айтканга дайындады*.+

Жүрөгү жаралангандарды айыктырганга,

Туткундарга боштондукка чыгарын,

Камактагыларга көздөрү ачыларын жарыялаганга жиберди.+

 2 Жахабанын ырайым кылар жылы келгенин,

Кудайыбыздын өч алар күнү келгенин жарыялаганга,+

Кайгыргандардын баарын сооротконго жиберди.+

 3 Сионду ойлоп кайгыргандарга кам көргөнгө,

Аларга күл ордуна баш кийим,

Кайгы ордуна шаттык майын,

Көңүл чөгөттүктүн ордуна даңк кийимин бергенге жиберди.

Эл аларды адилдиктин чоң дарактары,

Жахаба өзүн даңкташ үчүн* отургузган дарактар деп атайт.+

 4 Алар байыркы урандыларды кайра тургузушат;

Эзелтен бери ээн жаткан жерлерди,+

Кыйратылган шаарларды,+

Көп жылдар бою аңгырап бош калган жерлерди калыбына келтиришет.+

 5 «Бөтөн жерликтер келип, малыңарды кайтарат,

Башка элден келгендер+ дыйканыңар, жүзүмчүңөр болот.+

 6 Силерди болсо Жахабанын дин кызматчылары деп аташат,+

Кудайыбыздын кызматчылары дешет.

Силер элдердин байлыгын пайдаланасыңар,+

Алардын байлыгы* менен мактанасыңар.

 7 Элим мурун маскара болсо, эми эки эсе көп бата алат,

Басынтылган болсо, эми бата алып, шаттанат.

Ооба, алар өз жеринде эки эсе көп үлүш алат,+

Түбөлүккө кубанат.+

 8 Анткени мен, Жахаба, адилеттикти жакшы көрөм,+

Талап-тоноочулук менен ыймансыздыкты жек көрөм.+

Ишеничтүү болуп, элиме акысын төлөйм,

Алар менен түбөлүктүү келишим түзөм.+

 9 Алардын тукуму элдердин арасында,+

Урпактары элдер арасында белгилүү болот.

Аларды көргөндөрдүн баары таанышат,

Жахабадан бата алган тукум экенин билишет».+

Анткени ал мага куткарылууну кийимдей кылып,+

Адилдикти чапандай кылып кийгизди,

Ошентип, мени дин кызматчыныкындай баш кийим кийген күйөөдөй,+

Жасалгаларын тагынган колуктудай жасантты.

11 Жерден өсүмдүк өсүп чыккандай,

Бакчага себилген урук өнүп чыккандай,

Эгедер Теңир Жахаба бардык элдердин алдында адилдик+ менен даңк өндүрүп чыгарат.+