Еврейлерге

11 Ишеним — бул үмүттөнгөн нерселерди ишке ашат деп эч шектенбей күтүү+ жана көрүнбөгөн нерселердин бар экенине айкын далилдерди көрүү. 2 Байыркы убакта жашагандардын* ишеними так ушундай болгондуктан, Кудай аларга ыраазы экенин көрсөткөн.

3 Ишенимибиз бар болгондуктан, биз ааламдагы нерселердин* Кудайдын сөзү боюнча жаратылганын, анын көрүнбөгөн нерселерден көрүнгөн нерселерди жаратканын билебиз.

4 Кудайга ишенгендиктен Абыл ага арнап Кабылдыкына караганда алда канча баалуу курмандык чалган.+ Ошондой ишеними үчүн Кудай аны адил деп эсептээрин көрсөткөн. Муну анын курмандыгын кабыл алып далилдеген.+ Абыл өлсө да, ишениминин аркасында азыркыга чейин сүйлөп жатат.+

5 Кудайга ишенгендиктен Энох+ пайгамбар азап чегип өлбөшү үчүн алынып кеткен. Аны Кудай алып кеткендиктен*, эч жерден табылган эмес.+ Бирок алынып кетерден мурун, Кудай ага ыраазы экенин көрсөткөн. 6 Кудайга ишенбесек, ага жага албайбыз, анткени Кудайга жакындагысы келгендер анын бар экенине жана аны талыкпай издегендерге сыйлык берерине ишениши керек.+

7 Кудайга ишенгендиктен Нух+ пайгамбар, Кудай ага көрүнө элек нерселер жөнүндө эскерткенде,+ Кудайдан коркорун көрсөтүп, үйүндөгүлөрү куткарылышы үчүн, кеме курган.+ Ошондой ишеними аркылуу ал бул дүйнө жок болгонго тийиш экенин көрсөткөн+ жана ишениминин аркасында адил деп жарыяланган.

8 Кудайга ишенгендиктен Ыбрайым+ пайгамбар, Кудай ага мурастай турган жерине бар дегенде, баш ийип, ошол жакка жөнөгөн. Каякка баратканын билбесе да, өз жерин калтырып, жолго чыккан.+ 9 Кудайга ишенгендиктен ал Кудай убада кылган бөтөн жерде келгин катары жашаган.+ Ал Кудай ошол жерди берем деп убада кылган Ыскак жана Жакып менен бирге+ чатырларда жашаган.+ 10 Анткени Ыбрайым пайдубалы бекем, долбоорчусу да, куруучусу да Кудай болгон шаарды күтүп жүргөн.+

11 Кудайга ишенгендиктен Саара да, жашы өтүп калганына карабай, кош бойлуу болгон*,+ себеби убада берген Кудайды ишенимдүү деп эсептеген. 12 Ошентип, бир эле кишиден, болгондо да, балалуу боло турган курактан өтүп калган*+ кишиден асмандагы жылдыздардай, деңиз жээгиндеги кумдай сансыз+ урпак тараган.+

13 Булардын баары убадалардын аткарылганын көрүшпөсө да, Кудайга болгон ишенимин өмүрүнүн аягына чейин сакташкан.+ Ал убадалар келечекте аткарылышы керек болсо да, аткарылганын көргөндөй эле болушкан.+ Ошон үчүн кубанышкан, жашаган жеринде бөтөн жерликтер жана убактылуу тургундар экенин ачык айтышкан. 14 Ошентип айткандар өздөрү мекендей турган жерди көрүүнү аябай каалап жатканын көрсөтүшөт. 15 Эгер алар калтырып кеткен жерин+ эстей беришсе, анда ал жакка кайтып барыштын жолун таба алышмак. 16 Бирок алар андан да жакшы жерди, башкача айтканда, асманга тиешелүү жайды эңсешкен.+ Ошондуктан «Кудайым» деп кайрылышканда,+ Кудай алардан уялбайт; ал аларга шаар даярдап койгон.

17 Кудайга ишенгендиктен Ыбрайым, Кудай аны сынаганда,+ Ыскакты курмандыкка чалгандай эле болгон. Ооба, Кудайдын берген убадаларына сүйүнгөн ал киши жалгыз уулун курмандыкка чалганга даяр болгон.+ 18 Кудай ага: «Сенин „урпактарың“ Ыскактан тарайт»,+— деп убада кылса да, аны курмандыкка чалганга даяр болгон. 19 Ал уулун тирилткенге Кудайдын кудурети жетет деп бекем ишенген. Ошондуктан уулун өлүмдөн кайтарып алгандай эле болгон; мунун каймана мааниси бар болчу.+

20 Кудайга ишенгендиктен Ыскак да Жакып+ менен Эйсапка+ кийин эмнелер болорун айтып, батасын берген.

21 Кудайга ишенгендиктен Жакып өлөр алдында+ Жусуптун эки уулуна батасын берген,+ таягына сүйөнүп, Кудайга таазим кылган.+

22 Кудайга ишенгендиктен Жусуп көз жумарда ысрайыл элинин Мисир жеринен чыгарын айтып, өзүнүн сөөгүн ал жактан алып кеткенге буйрук берген.+

23 Кудайга ишенгендиктен Мусанын ата-энеси, ал төрөлгөндөн кийин,+ аны 3 ай бою жашырып жүргөн. Себеби ымыркайынын сүйкүмдүү экенин көрүшкөн.+ Алар Мисир падышасынын буйругунан коркушкан эмес.+ 24 Кудайга ишенгендиктен Муса чоңойгондо+ Мисирдин падышасынын* небереси*+ деп аталгандан баш тарткан. 25 Себеби күнөө кылып убактылуу рахат алгандан көрө, Кудайдын эли менен бирге кордук көрүүнү артык көргөн. 26 Сыйлыкка жетүүнү көздөгөндүктөн Кудайдын тандалганы* катары көргөн кордугун Мисирдин байлыгынан ашып түшкөн байлык деп эсептеген. 27 Кудайга ишенгендиктен ал Мисирден кетип калган,+ бирок падышанын каарынан корккондуктан кеткен эмес.+ Себеби көрүнбөгөн Кудайды+ көрүп тургандай болгондуктан туруктуулугунан жазган эмес. 28 Кудайга ишенгендиктен ал, Кудайдын периштеси ысрайылдыктардын тун уулдарын кырып салбашы үчүн, Куткарылуу майрамын* белгилеп, эшиктин кашектерине кан чачыраткан.+

29 Кудайга ишенгендиктен ысрайылдыктар Кызыл деңизден кургак жер менен өткөндөй өтүшкөн.+ Артынан сая түшкөн мисирликтерди болсо деңиздин суусу басып калган.+

30 Кудайга ишенгендиктен ысрайылдыктар Жерихону 7 күн айланышкан. Ошондон кийин шаардын дубалдары урап калган.+ 31 Кудайга ишенгендиктен Рахап деген сойку аял Кудайга баш ийбегендер менен кошо жок кылынган эмес, себеби ал чалгынчыларды жакшы кабыл алган.+

32 Дагы кимдер жөнүндө айтайын? Гидон,+ Барак,+ Шымшон,+ Иптах,+ Дөөтү,+ ошондой эле Шемуел+ жана башка пайгамбарлар жөнүндө айтканга убактым да жетпейт. 33 Кудайга ишенгендиктен алар согушта падышаларды жеңишкен,+ адил иштерди кылышкан, Кудай аларга убадаларды берген,+ алар арстандардын оозун жабышкан,+ 34 оттун жалынын өчүрүшкөн,+ кылычтын мизинен качып кутулушкан,+ алсыз болгондо күчкө толушкан,+ согушта тайманбас болушкан,+ жерине кол салган аскерлерди качырышкан.+ 35 Кээ бир аялдардын каза болуп калган жакындары тирилген.+ Башкаларын болсо Кудайга болгон берилгендигинен жазбаганы үчүн катуу кыйнашкан. Алар иши кылса эле кутулуп кетүүнүн жолун издешкен эмес. Анткени тирилгенден кийинки жакшыраак жашоого үмүттөнүшкөн. 36 Дагы башкаларын шылдыңдашкан, сабап кыйнашкан, ал гана эмес, чынжырлашкан,+ түрмөгө камашкан,+ 37 таш бараңга алышкан,+ ишенимин сынашкан, араалашкан, кылычташкан;+ алар кой-эчкинин терисинен кийим кийип жүрүшкөн,+ жокчулуктун азабын тартышкан, кыйынчылыктарга,+ катаал мамилеге чыдашкан.+ 38 Бүт дүйнө алардын чыпалагына да тең келген эмес. Алар чөлдөрдө, тоолордо тентип, үңкүрлөр+ менен асканын жаракаларында жашынып жүрүшкөн.

39 Ушулардын баары Кудайга ишенгендиктен ага жагышса да*, эч кимиси анын убадасынын аткарылганын көргөн эмес. 40 Анткени, алар бизден биринчи* жеткилеңдикке жетпеши үчүн, Кудай биз үчүн жакшыраак нерсени ойлонуштуруп койгон.+