Забур

41 Бей-бечарага жардам берген киши бактылуу,+

Кыйынчылык күнү Жахаба аны куткарат.

 2 Жахаба аны коргойт, аман алып калат;

Ал жер үстүндө бактылуу деп аталат.+

 3 Ал төшөктө ооруп жатканда, Жахаба колдойт;+

Ооруп жатканында, сен ага кам көрөсүң.

 6 Кимдир бирөөсү мени көргөнү келсе, анткорлонуп сүйлөйт,

Мени кеп кылыш үчүн жаман нерселерди аңдып отурат,

Сыртка чыгары менен, ошону элге жаят.

 7 Мени жек көргөндөрдүн баары өз ара шыбырашып жатышат;

Мага жамандык ойлоп:

 8 «Муну чоң балээ басты,

Минтип жатып калды, эми турбайт»,— деп жатышат.+

 9 Атүгүл жакын досум болгон, мен ишенип келген,+

Мени менен чогуу бир дасторкондон нан жеп жүргөн киши да мага каршы чыкты.+

10 Оо, Жахаба, мага ырайым кыл, мени тургуз,

Аларга тиешесин берейин.

11 Душманым мени жеңип кубанбаса,

Сага жагарымды ушундан билем.+

12 Мени кынтыксыз болгонум үчүн колдоп келесиң,+

Көз алдыңда түбөлүккө тургудай кыласың.+

13 Ысрайылдын Кудайы Жахаба

Түбөлүктөн түбөлүккө даңкталсын.+