Некемия
8 Бүт эл, бир кишидей болуп, Суу дарбазасынын+ алдындагы аянтка чогулуп, көчүрмөчү Эзрадан+ Жахабанын Муса аркылуу ысрайыл элине берген мыйзамдары+ жазылган китепти алып келишин суранышты. 2 Ошентип, жетинчи айдын биринчи күнү дин кызматчы Эзра Мыйзамды алып келип, элдин алдына чыкты.+ Ал жерге эркектер, аялдар, айтылган сөздү түшүнө ала тургандардын баары чогулган эле.+ 3 Эзра Суу дарбазасынын алдындагы аянтка чогулган эркек-аялдарга, айтылган сөздү түшүнө ала тургандардын баарына таң аткандан түшкө чейин Мыйзам китебинен окуп берди.+ Бардыгы окулгандарды кунт коюп угуп жатышты.+ 4 Көчүрмөчү Эзра ошол күнгө деп атайын жасалган жыгач секичеде турду. Анын оң жагында Матития, Шема, Аная, Урий, Хилкия, Маасеялар, ал эми сол жагында Педая, Мишаел, Малкия,+ Хашум, Хашбадана, Закарыя, Мешуламдар турушту.
5 Эзра секичеде тургандыктан, анын китепти ачканы баарына көрүндү. Ошондуктан китепти ачканда, бүт эл ордунан турду. 6 Анан Эзра чыныгы Кудай Жахабаны, улуу Кудайды, мактап-даңктады. Ошондо бүт эл колун көтөрүп: «Оомийн! Оомийн!»+ — деди да, жүзтөмөндөп жыгылып, Жахабага таазим кылды. 7 Жешуя, Бани, Шеребия,+ Жамин, Акуп, Шабетай, Одия, Маасея, Келита, Азария, Жозабат,+ Ханан жана Пелая деген лебилер ал жерде тургандарга Мыйзам китебиндегилерди түшүндүрүп берип жатышты.+ 8 Алар чыныгы Кудайдын Мыйзам китебинен окуп берип, маанисин чечмелеп, түшүндүрүп жатышты. Ошентип, элге окулгандарды түшүнгөнгө жардам берип жатышты.+
9 Башкаруучу Некемия, дин кызматчы жана көчүрмөчү Эзра,+ ошондой эле элди окутуп жаткан лебилер элге: «Бул күн Жахаба Кудайыңар үчүн ыйык күн.+ Кайгырбагыла, ыйлабагыла»,— дешти. Анткени эл Мыйзамда жазылган сөздөрдү угуп ыйлап жаткан эле. 10 Некемия элге: «Баргыла, эң жакшы* тамактардан жеп, таттуу суусундуктардан ичкиле, тамак-ашын камдабай калгандар менен бөлүшкүлө.+ Анткени бул күн Теңирибиз үчүн ыйык күн. Кайгырбагыла, себеби Жахаба тартуулаган кубаныч силерге күч берет*»,— деди. 11 Лебилер да: «Койгула, кайгырбагыла, анткени бул күн — ыйык күн» — деп, элди сооротуп жатышты. 12 Анан бүт эл барып, ичип-жеди, башкалар менен да бөлүштү. Айтылган сөздөрдүн маанисин түшүнгөндүктөн+ кубанып-шаттанып жатышты.+
13 Экинчи күнү бүт урук башчылары, дин кызматчылар менен лебилер Мыйзамда жазылган сөздөрдү түшүнүш үчүн көчүрмөчү Эзрага барышты. 14 Алар Жахабанын Муса аркылуу берген Мыйзамынан ысрайылдыктар жетинчи айда өткөрүлчү майрамдын убагында алачыктарда жашашы керектигин билишти.+ 15 Ошондой эле бардык шаарларында, бүт Иерусалимде: «Мыйзамда жазылганга ылайык, алачык жасаш үчүн тоолуу аймактарга барып, зайтун дарагынын, май дарагынын, курма дарагынын, мирттин жана башка дарактардын жалбырактуу бутактарын алып келгиле»,— деп жар салынышы керектигин да билишти.+
16 Эл барып, бутактарды алып келди да, ар бири өзүнүн үйүнүн чатырына, короолоруна, ошондой эле чыныгы Кудайдын үйүнүн короолоруна,+ Суу дарбазасынын+ алдындагы аянтка жана Эпрайым дарбазасынын+ алдындагы аянтка алачыктарды жасады. 17 Ошентип, туткундан кайтып келген бүт жамаат алачыктарда жашап жатты. Алар абдан кубанып жатышты, анткени Нундун уулу Жашыянын+ күндөрүнөн бери бул майрамды ушинтип өткөрүшө элек болчу.+ 18 Майрамдын биринчи күнүнөн тартып акыркы күнүнө чейин аларга чыныгы Кудайдын Мыйзам китебинен күн сайын окуп берип жатышты.+ Алар 7 күн майрамдап, сегизинчи күнү, мыйзам боюнча, салтанаттуу жыйын өткөрүштү.+