Забур

Дөөтүнүн ыры.

138 Сени бүт жүрөгүм менен даңазалайм.+

Башка кудайлардын алдында

Сени даңктап ырдайм*.

2 Туруктуу сүйүүң, берилгендигиң үчүн

Ыйык ибадатканаң тарапты карап таазим кылып,+

Ысмыңды даңктайм.+

Себеби сөзүң менен ысмыңды бардык нерседен жогору койдуң*.

3 Сени чакырган күнү мага жооп бердиң,+

Мени тайманбас, күчтүү кылдың.+

4 Оо, Жахаба, жер жүзүндөгү бардык падышалар сени даңкташат,+

Анткени сен берген убадаларды угушат.

5 Алар Жахабанын иштери* жөнүндө ырдашат,

Анткени Жахабанын даңкы зор.+

6 Жахаба жогоруда болсо да, момунду байкап турат,+

Ал эми бой көтөргөндү жанына жакын жолотпойт*.+

7 Туш тараптан коркунуч басса да, мени аман алып каласың,+

Каарданган душмандарыма каршы күчүңдү колдоносуң,

Мени оң колуң менен сактап каласың.

8 Оо, Жахаба, мен үчүн кылам дегениңдин баарын ишке ашырасың.

Оо, Жахаба, сенин сүйүүң* түбөлүктүү,+

Өз колуң менен жараткандарыңды таштай көрбө.+