Забур

36 Ыймансызды жүрөгүнүн тереңиндеги күнөө шыбырап азгырып турат,

Көздөрүнөн Кудайдан коркуу дегенди көрбөйсүң.+

 2 Ал ушунчалык өзүнө өзү корстон болгондуктан

Күнөөсүн байкабайт да, жек көрбөйт.+

 3 Оозунан заардуу, калп сөздөр чыгат;

Түшүнүгү тайкы болгондуктан, жакшылык кылбайт.

 4 Ал төшөгүндө жатканда да жамандык ойлойт,

Тетири жолдо жүрөт,

Жамандыкты четке какпайт.

 5 Оо, Жахаба, туруктуу сүйүүң асманга,

Берилгендигиң булуттарга чейин жетет.+

 6 Оо, Кудай, сенин адилдигиң алп тоолордой,+

Өкүмдөрүң учу-кыйыры көрүнбөгөн терең суудай.+

 8 Алар үйүңдөгү молчулукка моокумун кандырат,+

Аларга берекеңдин дайрасынан ичиресиң.+

 9 Өмүрдүн булагы сенсиң;+

Биз сенин жарыгыңдын аркасы менен жарыкты көрө алабыз.+

10 Өзүңдү билгендерди мындан ары да туруктуу сүйүүңдөн,+

Жүрөгү тазаларды адилдигиңден өксүтө көрбө.+

11 Мени бой көтөргөн бирөөнүн тебелешине,

Ыймансыз бирөөнүн кууп жиберишине жол бере көрбө.

12 Мына, жаман иш кылгандар кулашты,

Жыгылып, тура албай калышты.+