Ышая

35 Ээн талаа менен какшыган жер шаттанат,+

Чөлдүү түздүк сүйүнүп, гүлгө* оронот.+

 2 Ал жер жайнаган гүлгө толот,+

Кубанычка бөлөнүп, шаттана үн салат.

Ага Лебанондун даңкы,+

Кармел+ менен Шарондун+ көркү берилет.

Эл Жахабанын даңкын,

Кудайыбыздын көркүн көрөт.

 3 Алсыраган колдорду,

Титиреген тизелерди чыңдагыла.+

Мына, Кудайыңар өч алыш үчүн келет,

Кудай жазалаш үчүн келет.+

 5 Ошол убакта сокурлардын көзү ачылат,+

Дүлөйлөрдүн кулагы угат.+

 6 Аксак бугудай секирет,+

Дудук кубанычтуу үн салат.+

Чөлдө суу оргуштайт,

Чөлдүү түздүктө суулар агат.

 7 Куйкаланган жер камыштуу көлмөгө,

Какшыган жер суу булактарына айланат.+

Мурун чөөлөр байырлаган жерде+

Көк чөп, камыш, папирус өсөт.

 8 Ал жерде чоң жол болот,+

Ал Ыйыктык жолу деп аталат.

Ал жол менен таза эместер баспайт,+

Татыктуулар гана басат.

 9 Ал жерде арстан болбойт,

Коркунучтуу жырткыч жүрбөйт.

Аларды эч ким кезиктирбейт,+

Ал жол менен Кудай кун төлөп сатып алгандар гана жүрөт.+

Алар шаттанышат, кубанышат,

Кайгы менен үшкүрүк жок болот.+