Забур
Дөөтүнүн ыры.
Жахаба өмүрүмдү коргоп турган чептей,+
Ким үрөйүмдү учурмак эле?
2 Кыянатчылдар мени тытып жеш үчүн кол салганда,+
Ошол душмандарым менен кастарым өздөрү мүдүрүлүп жыгылышты.
Мага каршы согуш ачышса да,
Кудайга таяна берем.
4 Жахабадан бир нерсени сурап келем:
Жахабанын сулуулугун* көрүш үчүн,
Ибадатканасын* карап суктаныш үчүн*,+
Өмүр бою Жахабанын үйүндө болсом дейм.+
Ушуну гана көксөп келем.
5 Башыма мүшкүл түшкөн күнү ал мени турагына калкалайт,+
Жашыруун жайына, чатырына, жашырат,+
Бийик зоого чыгарат.+
6 Мен тегеректеп алган душмандарыман жогору турам.
Жахабанын чатырында шаттана курмандык чалам,
Аны даңктап ырдайм*.
8 «Мени издегиле»,— деген буйругуңду жүрөгүмдө кайталап келем.
Оо, Жахаба, сени издейм.+
Сен менин жардамчымсың,+
Куткаруучу Кудайым, мени четке какпа, таштаба.
11 Мага өз жолуңда жүргөндү үйрөт, оо, Жахаба,+
Туура жолдо алып жүр, анткени душмандарым курчап алды.
12 Мени алардын колуна салып бербе.+
Анткени жалган күбөлөр мага каршы чыгып,+
Коркутуп-үркүтүп жатышат.
13 Көзүмдүн тирүүсүндө Жахабанын канчалык жакшы экенин көрөрүмө ишенбесем, эмне болмокмун?*+
Ооба, Жахабага үмүт арт!