Жунус

4 Буга Жунус катуу нааразы болуп, аябай ачууланды. 2 Ал Жахабага: «Оо, Жахаба, мен өз жеримде жүргөндө эле ушундай болот деп коркком. Ошон үчүн Таршышка+ качып кетейин дегем да. Сенин боорукер, кайрымдуу, сабырдуу*, сүйүүсү* чексиз Кудай экениңди,+ алаамат түшүрөм деген оюңдан кайтарыңды билгем. 3 Эми, Жахаба, суранам, жанымды алчы. Жашагандан көрө өлүп эле калганым жакшы»,— деди.+

4 Ошондо Жахаба: «Ушинтип ачууланганың туурабы?» — деди.

5 Жунус шаардан чыкты да, чыгыш тарабына барып, шаардын эмне болорун көрүш үчүн алачык жасап, көлөкөсүндө күтүп отурду.+ 6 Жахаба Кудай Жунуска көлөкө болсун, көп кыйналбасын деп ашкабак* өстүрдү. Аны көрүп, Жунус аябай сүйүнүп кетти.

7 Бирок эртеси таң атары менен, чыныгы Кудай курт жиберди. Курт ашкабакты кемирип, ашкабак куурап калды. 8 Күн чыкканда, Кудай чыгыштан ысык шамал соктурду. Күн ушунчалык ачуу тийгендиктен, Жунус эс-учун жогото баштады. Ал: «Жашагандан көрө өлүп эле калганым жакшы»,— деп өзүнө өлүм тилей берди.+

9 Кудай Жунуска: «Ашкабактын куурап калганына ушунча ачууланганың туурабы?» — деди.+

Ал: «Ооба, туура. Ушунчалык ачууланганымдан өлгүм келип жатат»,— деди. 10 Ошондо Жахаба ага: «Сен өзүң отургузбаган, мээнет кылып өстүрбөгөн, бир түндө өсүп чыгып, бир түндө куурап калган ашкабакка ушунча кайгырып жатасың. 11 Анан мен кантип жаман-жакшыны* ажырата албаган 120 000ден ашык кишиси, жер жайнаган малы бар улуу шаар Нинебини+ аябай коёюн?» — деди.+