Петирдин 1-каты

5 Ошондуктан мен Машаяктын азап тартканына күбө болгон, келечекте ачыла турган даңкка+ силер менен чогуу бөлөнө турган аксакал* катары араңардагы аксакалдарды буга үндөйм: 2 көзөмөлчүлөр катары Кудайдын өзүңөргө тапшырылган оторун аргасыздан эмес, чын көңүлдөн,+ арам жол менен пайда көрүш үчүн эмес,+ чын ыкластан кайтаргыла.+ 3 Кудайдын аманаты болгондорго үстөмдүк кылбагыла,+ оторго үлгү болгула.+ 4 Ошондо, башкы койчу келгенде*,+ даңктын соолгус таажысын аласыңар.+

5 Ошо сыяктуу эле, силер, жашыраак эркектер, өзүңөрдөн улуураак эркектерге* баш ийгиле.+ Бирок бири-бириңерге мамиле кылганда баарыңар момун болгула. Анткени Кудай бой көтөргөндөргө каршы, ал эми момундарга ырайым кылат.+

6 Ошондуктан кудуреттүү Кудайдын алдында* момун болгула, ошондо ал силерди өз убагында жогору көтөрөт.+ 7 Ошондой эле санаа тарттырган* нерсеңердин баарын ага арткыла,+ анткени ал силерге кам көрөт.+ 8 Тунук ой жүгүрткүлө, сергек болгула!+ Себеби душманыңар Ибилис кимди жеп-жутуп жиберсем деп, арылдаган арстан сыяктуу жүрөт.+ 9 Ишенимиңерди бекем сактап, ага каршы тургула.+ Себеби дүйнө жүзүндөгү бир туугандарыңар да силердикиндей эле кыйынчылыктарга кабылып, азап чегип жатканын билесиңер.+ 10 Бирок бир аз азап чеккениңерден кийин, силерди Машаяк менен биримдикте болуп, түбөлүккө даңкталышыңар үчүн тандаган*,+ ырайымдын булагы болгон Кудай өзү силерди аягына чейин үйрөтөт. Силерди күчтүү кылып,+ ишенимдүү бойдон калганга, бекем турганга жардам берет. 11 Күч-кубат түбөлүккө ага таандык. Оомийн.

12 Ушул эки ооз сөзүмдү ишеничтүү бир тууганым* Силуанга*+ жаздырдым. Муну силерге дем-күч бериш үчүн, Кудайдын силерге чындап эле улуу ырайым көрсөткөнүнө ынандырыш үчүн жаздым. Кудайдын ырайымынан айрылып калбагыла. 13 Бул жактагы, Бабылдагы*, силер сыяктуу эле тандалган айым* жана уулум Марк+ силерге салам айтып жатышат. 14 Бири-бириңерди жакшы көрөрүңөрдү билдирип өбүшүп учурашкыла.

Машаяктын шакирти болгон баарыңар сак-саламатта болгула!*