Тиметейге 2-кат
2 Ошентип, уулум,+ Кудайдан Иса Машаяк көрсөткөн ырайым аркылуу күч беришин сурап тилене бер. 2 Менден көп күбөлөрдүн көзүнчө уккандарыңды+ башкаларды үйрөтө ала турган ишеничтүү адамдарга айт. 3 Машаяк Исанын мыкты жоокери катары+ башыңа түшкөн кыйынчылыктарды көтөр.+ 4 Өзүн аскердик кызматка алган башчысына жаккысы келген бир да жоокер киреше бере турган башка иштер* менен алек болбойт. 5 Мелдешке катышкан киши да эрежелерди сактабаса, таажы албайт.+ 6 Катуу мээнет кылган дыйкан жыйнаган түшүмүнөн биринчи болуп ооз тийиши керек эмеспи. 7 Айткандарым жөнүндө ар дайым ой жүгүрт. Теңир болсо сага баарын түшүнгөнгө жардам берет.
8 Мен жарыялаган жакшы кабарга ылайык,+ Иса Машаяктын тирилгенин,+ анын Дөөтүнүн тукуму болгонун+ унутпа. 9 Ошол жакшы кабар үчүн мен кыйынчылыктарга кабылып, атүгүл кылмышкер сыяктуу кишенделип отурам.+ Бирок Кудайдын сөзү кишенделген жок.+ 10 Ошондуктан Кудай тандаган адамдар да Машаяк Иса аркылуу куткарылсын, түбөлүккө даңкка бөлөнсүн деп, алар үчүн баарына туруктуулук менен чыдап келатам.+ 11 Айта турган бул сөздөрүм чындык: эгер аны менен бирге өлгөн болсок, аны менен бирге жашайбыз;+ 12 туруктуу болсок, аны менен бирге падышалык кылабыз;+ аны четке каксак, ал да бизди четке кагат;+ 13 биз Кудайдын айткандарын аткарбай койсок да, ал өзүнүн айткандарын ар дайым аткарат, анткени өзүнө өзү каршы иш кыла албайт.
14 Ушуларды алардын эсине сал, Кудайдын алдында аларга насаат айтып, сөз үчүн талашып-тартышпаганга үндө. Себеби андай талаш-тартыштар угуп тургандарга зыян тийгизгенден башка эч кандай пайда алып келбейт. 15 Кудайга жаккан, Кудайдын Сөзүн* туура үйрөткөн, аткарган иши үчүн уялбай турган жумушчу болгонго колуңан келишинче аракет кыл.+ 16 Кудайга шек келтирген куру сөздөрдөн алыс бол,+ анткени андай сөздөр* ар кандай ыймансыздыкка жаткан иштерди кылганга түртөт, 17 жара* сыяктуу тарайт. Андай сөздөрдү тараткандардын арасында Именей менен Пилет да бар.+ 18 Алар адамдар мурун эле тирилгенин айтып, Кудайдын туура окуусунан четтеп кетишти,+ ошентип, кээ бирлердин ишенимин кыйратып жатышат. 19 Бирок Кудай тургузган бекем пайдубал козголбойт, ага мөөр басылгандай: «Жахаба өзүнө таандык болгондорду билет»,+ «Жахабаны атынан чакырган ар бир адам+ ыймансыздыкты четке каксын»,— деп жазылган.
20 Өзүң билгендей, чоң үйдө алтын-күмүш идиштер эле эмес, жыгачтан, чоподон жасалган идиштер да болот. Алардын кээ бирлери сыйга урунулат, кээ бирлери сыйга урунулбайт. 21 Ким сыйга урунулбаган идиштердей болгон адамдардан алыс болсо, сыйга урунула турган идиш болот. Ал ыйыкталып, кожоюнунун керегине жарайт, бардык жакшы иштерге даяр болот. 22 Ошондуктан жаштыкка мүнөздүү каалоолордон кач, Теңирге таянган жүрөгү таза адамдар менен бирге адилдикке, ишенимге, сүйүүгө, тынчтыкка умтул.
23 Андан сырткары, пайдасыз, маңызсыз талаш-тартыштардан алыс бол,+ себеби алардын айынан чыр-чатак чыгарын билесиң. 24 Теңирдин кулу чатакташпашы керек, анын ордуна, баарына жумшак* мамиле кылышы,+ окутканга жөндөмдүү болушу, жаман мамилеге кабылганда өзүн кармай билиши,+ 25 ошондой эле айтылган сөзгө каршы чыккандарга жумшактык менен насаат айтышы керек.+ Анткени Кудай алардын өкүнүшүнө* жол ачып, алар туура окуулар жөнүндө так билим алышы мүмкүн.+ 26 Ошонун аркасында эстерине келип, Ибилистин өзүнүн эркин аткартыш үчүн аларды тузагына тирүүлөй түшүргөнүн түшүнүп,+ андан бошонушу мүмкүн.