Эфестиктерге
2 Мурун кылмыштарыңар менен күнөөлөрүңөрдүн айынан Кудайдын көз алдында өлүк болчусуңар, бирок ал силерди тирилтти.+ 2 Бир кезде силер бул дүйнөдөгү башка адамдардай жашачусуңар;+ абаны — азыр Кудайга баш ийбеген адамдарга таасир этип жаткан рухту*+— колдонгон башкаруучунун+ эрки боюнча жашачусуңар. 3 Ооба, бир кезде баарыбыз аларга окшоп туура эмес каалоолорубузга берилип,+ жаман ойлорго жетеленчүбүз+ жана башкалардай эле төрөлгөндөн тартып Кудайдын каарына калгандардан болчубуз.+ 4 Бирок Кудай чексиз кайрымдуу болгондуктан,+ бизди аябай жакшы көргөндүктөн,+ 5 кылмыштарыбыздан улам анын көз алдында өлүк болсок да, бизди тирилтип, Машаяк менен бириктирди.+ Ошентип, силер Кудай ырайым кылгандыктан куткарылдыңар. 6 Кудай бизди Машаяк Исанын жолдоочулары катары аны менен бирге тирилткенден сырткары, асман чөйрөсүнөн орун берди.+ 7 Ал муну Машаяк Иса менен биримдикте болгон бизге келечекте* батасын төгүп, ырайымы канчалык зор экенин көрсөтүш үчүн кылды.
8 Силер ага ишенгендиктен улуу ырайымынан улам куткарылдыңар.+ Буга өзүңөр жеткен жоксуңар, муну силерге Кудай белек кылды. 9 Ооба, силер иштериңердин натыйжасында куткарылган жоксуңар,+ эч кимиңер мактанбашыңар үчүн ушундай болду. 10 Бизди Кудай жараткан;+ биз Исанын жолдоочулары катары+ ал алдын ала белгилеп койгон жакшы иштерди аткарыш үчүн жаратылганбыз.
11 Ошондуктан силер, башка элдерден чыккандар, адамдар сүннөткө отургузгандар бир кезде силерди «сүннөткө отургузулбагандар» деп атаганын эсиңерден чыгарбагыла. 12 Ал кезде силер Машаякты таанып-биле элек болчусуңар, ысрайыл элине да, Кудайдын убадасына негизделген келишимдерге да тиешеңер жок эле,+ бул дүйнөдө үмүтсүз жашап, Кудайды таанып-биле элек болчусуңар.+ 13 Ал эми азыр силер, бир кезде Кудайдан алыс болгондор, Машаяк Исанын жолдоочулары катары анын каны аркылуу Кудайга жакын болуп калдыңар. 14 Анткени Машаяк бизге тынчтык алып келди.+ Ал 2 топту бириктирип,+ аларды бөлүп турган ортодогу дубалды кулатты.+ 15 Өзүнүн денесин курмандыкка чалып, алардын ортосундагы кастыкка себеп болгон нерсени, тактап айтканда, осуяттар менен буйруктардан турган Мыйзамды жойду. Ошонун аркасында ал өзү менен биримдикте болгон 2 топтон бир эл* жаратып,+ тынчтык орнотту. 16 Ошондой эле жаза устунуна кадалып өлүп,+ алардын ортосундагы кастыкты жоюп, аларды бир эл кылды да, Кудай менен толук элдештирди.+ 17 Ал келип, Кудайды таанып-биле элек силерге да, таанып-билгендерге да тынчтык жөнүндөгү жакшы кабарды жарыялады. 18 Анын курмандыгынын аркасында биз — 2 топ тең — асмандагы Атабызга кайрылып тилене алабыз. Себеби баарыбызга бир эле ыйык рух берилген.
19 Ошондуктан силер эми чоочун же бөтөн жерлик эмессиңер,+ Исанын башка шакирттериндей эле, Кудайдын үй-бүлөсүнүн мүчөсүсүңөр.+ Баарыңардын жарандыгыңар бир.+ 20 Силер элчилер менен пайгамбарлардан+ турган пайдубалдын үстүнө курулган имаратсыңар, ал эми пайдубалдын бурчуна коюлган негизги таш+ — Машаяк Исанын өзү. 21 Иса менен биримдикте болгондуктан ал имарат, бардык бөлүктөрү бири-бирине кыналып бириктирилип,+ барган сайын бийиктеп, Жахабанын* ыйык ибадатканасына айланып баратат.+ 22 Демек, Машаяк менен биримдикте болгондуктан силер да башкалар менен бирге Кудай куруп жаткан ошол имаратты түзөсүңөр. Ал имаратта Кудай жашайт, себеби анын ыйык руху ошол жерде.+