Жеремия
Анда күн-түн дебей ыйлап,
Элимдин арасындагы өлтүрүлгөндөрдү жоктобойт белем.
2 Чөлдөн жолоочулар токтой турган жай таба алсам кана!
Анда элимди таштап, алыска кетпейт белем,
Себеби баары ойноштук кылып жүрөт*,+
Алар — чыккынчылардын тобу.
3 Алар тилин жаадай керип, жалган айтканга даяр турат;
Бул жер жалгандыкка толду, берилгендик деген жок.+
«Алар жамандык артынан жамандык кылып жатышат,
Мени этибарга алышпайт»,+— дейт Жахаба.
4 «Ар бириңер жакыныңардан сак болгула,
Атүгүл бир туугандарыңардын эч кимисине ишенбегиле.
5 Баары бири-бирин алдап жатат,
Чындыкты айткан эч ким жок.
Алар тилин калп айтканга көндүрүшкөн.+
Жаман иштерди чарчаганча кылышат.
6 Сен жалгандыктын чордонунда жашайсың.
Жалганчы болгондуктан алардын мени билгиси жок»,— дейт Жахаба.
7 Ошондуктан асман аскерлеринин Кудайы Жахаба мындай дейт:
«Мен аларды эритем, сынайм.+
Элимди* дагы эмне кылмакмын?
8 Алардын жалган сүйлөгөн тили — ажал жебеси.
Ар бири жакынына жакшы сүйлөйт,
Бирок ичинен ага буктурма коюуну ойлойт».
9 «Ушунун баары үчүн аларды жоопко тартпай коёмбу? — дейт Жахаба.—
Ушундай элден өч албай коёмбу?+
10 Тоолорду жоктоп ыйлайм,
Ээн талаадагы жайыттарды жоктоп кошок айтам,
Себеби алар өрттөндү, ал жактан эч ким өтпөй калды,
Малдын да үнү угулбай калды.
Асман канаттуулары учуп кетти, айбандар качып кетти; бири да калган жок.+
11 Мен Иерусалимди таштардын үймөгүнө,+ чөөлөрдүн жатагына,+
Жүйүт жериндеги шаарларды эч ким жашабаган ээн жерге айлантам.+
12 Мунун баарын түшүнө алгыдай даанышман барбы?
Башкаларга айтып бере алышы үчүн, Жахаба бул жөнүндө кимге айткан?
Бул жер эмнеге кыйрады?
Эмнеге чөлдөй күйүп,
Андан эч ким өтпөй калды?»
13 Жахаба мындай деп жооп берди: «Себеби алар мен берген мыйзамды* четке кагып, ага ылайык жашашкан жок, мага баш ийишкен жок. 14 Тескерисинче, тоң моюндук кылып, жүрөктөрүнүн каалоосу боюнча иш кылышты,+ ата-бабалары үйрөткөндөй, Баалдарга сыйынып жүрүштү.+ 15 Ошон үчүн Ысрайылдын Кудайы, асман аскерлеринин Кудайы Жахаба: „Бул элге эрмен жедирем, уу кошулган суу ичирем. + 16 Аларды өздөрү да, ата-бабалары да билбеген элдердин арасына чачыратып жиберем,+ артынан кылыч жиберип, кырып жок кылам“,— дейт.+
17 Асман аскерлеринин Кудайы Жахаба мындай дейт:
„Болуп жаткандар жөнүндө ойлонгула.
Кошокчу аялдарды чакыргыла,+
Кыйындарын чакырткыла, келишсин,
18 Тез келип, биз жөнүндө кошуп ыйлашсын,
Көзүбүздөн жаш куюлсун,
Кирпиктерибизден жаш аксын.+
“Кандай гана кыйрадык!
Кандай гана уят болдук!
Жерибизден куулдук, үйлөрүбүз талкаланды”,— деген ый угулуп жатат.+
20 Оо, аялдар, Жахабанын сөзүн уккула.
Анын оозунан чыккан сөзгө кулак төшөгүлө.
Кыздарыңарга бул муңдуу ырды,
Бири-бириңерге бул кошокту үйрөткүлө.+
21 Анткени терезелерибизден,
Чептүү мунараларыбыздан өлүм кирип келди.
Балдарды көчөдөн,
Улан-жигиттерди аянттардан кырыш үчүн кирип келди“.+
22 Аларга мындай деп айт:
„“Өлүктөр талаадагы кыктай болуп,
Орокчу жаңы эле оруп кеткен эгиндей болуп жатат,
Аларды эч ким жыйнабайт”,— дейт Жахаба“».+
24 «Мактана турган адам
Мен жөнүндө көп нерсени түшүнөрүн, мени билерин айтып,+
Менин Жахаба экенимди, жер жүзүнө мээримин* төккөн, адил, акыйкат иш кылган Кудай экенимди+ билерин айтып мактансын,
Себеби мага ушулар кубаныч тартуулайт»,+— дейт Жахаба.
25 «Мына, сүннөткө отургузулганы менен, чындап сүннөткө отургузулбагандардын баарын өзүм жоопко тарта турган күндөр келатат,+— дейт Жахаба.— 26 Мисирликтерди,+ Жүйүт жериндегилерди,+ эдомдуктарды,+ Амондун тукумдарын,+ мааптыктарды,+ ээн талаада жашаган, саамай чачын кырктырган элдердин баарын жоопко тартам.+ Себеби бул элдердин бардыгы сүннөткө отургузулган эмес, бүт ысрайыл эли да сүннөткө отургузулганы менен, чындап сүннөткө отургузулган* эмес».+