Забур

38 Оо, Жахаба, мени ашкерелеп жатканда ачууланба,

Оңдоп-түзөп жатканда каарданба.+

 2 Анткени жебелериң денеме терең сайылды,

Колуң үстүмөн ныгыра басты.+

 3 Каарданганыңдан улам денемдин бир да соо жери калган жок,

Күнөөмдүн айынан жан дүйнөмдөн* тынчтык кетти.+

 4 Кылмыштарым башыман ашып,+

Көтөрө алгыс оор жүктөй салмагын салды.

 5 Акылсыздыгыман улам

Жараларым ириңдеп, каңырсып жатат.

 6 Азап чегип, бүк түштүм,

Эртеден кечке кайгырып жүрөм.

 7 Ичим алоолонуп өрттөнүп,

Денемдин бир да соо жери калган жок.+

 8 Деңдароо болдум, таш-талканым чыкты,

Жүрөгүм сыздаганынан катуу онтоп* жатам.

 9 Оо, Жахаба, сен каалоо-тилегимдин баарын билесиң,

Үшкүрүгүмдү да угуп жатасың.

11 Досторум менен тааныштарым дартыман улам жаныма жолобой калды,

Мени жакындан билгендер алыстап кетти.

12 Көзүмдү тазалагысы келгендер тор жайышты,

Кыянаттык кылгысы келгендер мени күм-жам кылышты сүйлөшүп жатышат;+

Эртеден кечке мени алдоонун амалын ойлонуштурушат.

13 Мен болсо дүлөйгө окшоп аларды укпайм,+

Дудуктай болуп ооз ачпайм.+

14 Өзүн коргош үчүн бир ооз сөз да айтпаган,

Кулагы укпаган кишидей болдум.

16 Мен: «Бутум тайып, алар мени табалабасын,

Мага кыйынсынышпасын»,— дегем.

17 Анткени мен кулап кала жаздагам,

Жаным тынбай сыздаган.+

18 Айыбымды мойнума алдым,+

Күнөөмдүн айынан тынчым кетти.+

19 Душмандарым болсо алдуу-күчтүү*,

Мени себепсиз эле жек көргөндөр көбөйүп кетти.

20 Алар жакшылыгыма жамандык кылышты;

Жакшылык кыла беришиме бут тосушту.

21 Оо, Жахаба, мени таштаба,

Оо, Кудай, менден алыста турба.+

22 Оо, Жахаба, куткаруучум,+

Мага жардам бергенге шашыл.