БИРИНЧИ КИТЕП
(1—41-забурлар)
1 Ыймансыздардын кеңеши боюнча жүрбөгөн,
Күнөөкөрлөрдүн жолуна түшпөгөн,+
Шылдыңчылдар менен бирге отурбаган киши бактылуу.+
2 Ал Жахабанын мыйзамынан рахат алат,+
Анын мыйзамын күнү-түнү ой жүгүртүп окуйт.+
3 Ал суу боюна отургузулуп,
Өз маалында жемиш берген,
Жалбырагы соолубаган дарактай болот.
Эмне иш кылбасын, ийгиликке жетет.+
4 Ыймансыздар болсо андай эмес,
Алар шамал учуруп кете турган топондой.
5 Ошон үчүн ыймансыздар жазадан качып кутула албайт,+
Күнөөкөрлөр адил адамдардын жыйынында болбойт.+
6 Себеби Жахаба адил адамдардын иштерин билет,+
Ал эми ыймансыздардын иштерин ойрон кылат.+