Дөөтүнүн ыры. Жүйүт чөлүндө жүргөндө жазган.+
63 Оо, Кудай, сен менин Кудайымсың, мен сени издеп келем.+
Сени эңсейм.+
Суусу жок кагыраган, какшыган жерде
Өзүңдү самап, алдан тайдым.+
2 Ыйык жериңден сени карап тургам,
Күчүң менен даңкыңды көргөм.+
3 Сенин туруктуу сүйүүң өмүрдөн артык,+
Ошондуктан сени даңазалайм.+
4 Сени өмүр бою даңктайм,
Колумду жогору көтөрүп, ысмыңдан чакырам.
5 Сен берген эң мыкты, эң жакшы нерселерге моокумум канды,
Ошон үчүн сени кубанып даңазалайм.+
6 Төшөгүмдө жатканда сени эстейм,
Түнү бою сен жөнүндө ой жүгүртөм.+
7 Анткени сен жардамчымсың,+
Мен канатыңдын көлөкөсүндө шаттанам.+
8 Сенден эч качан ажырабайм,
Оң колуң мени бекем кармап турат.+
9 Ал эми жанымды алгысы келгендер
Жердин түбүнө түшүшөт.
10 Алар кылычтан кырылышат,
Чөөлөргө жем болушат.
11 Падыша болсо Кудайдын иштерине кубанат,
Кудайды оозанып ант бергендердин баары шаттанат,
Анткени калп айткандардын оозу жап болот.