Ышая
65 «Мен өзүмдү мен жөнүндө сурабагандарга тааныттым;
Мени издебегендерге өзүмдү тапканга жол бердим.+
Мени атымдан чакырбаган элге: „Мен мындамын! Мен мындамын!“ — дедим.+
Жаман жолдо жүргөндөрдү,+
Кежир элди мага кайрылып келгенге чакырып,
Эртеден кечке колумду сунуп турдум;+
3 Алар бакчаларда курмандык чалып,+ кыштардын үстүндө курмандык түтүнүн түтөтүп,
Дайыма ачыктан-ачык эле мени капа кылышат,+
4 Алар көрүстөндөрдүн арасында отурушат,+
Жашыруун жайларда* түнөшөт,
Чочконун этин жешет,+
Идиштериндеги шорпосу да арам.+
Алар таноомо кирген ачуу түтүндөй*, эртеден кечке күйө берген оттой.
6 Мына, бул менин алдымда жазылуу.
Мен унчукпай койбойм,
Аларга тиешесин берем.+
Тиешесин толугу менен берем.
Тоолордо курмандык түтүнүн түтөтүп,
Дөбөлөрдө мени капалантышкандыктан,+
Эң биринчи эле аларга бүт күнөөсү үчүн тиешесин берем».
8 Жахаба мындай дейт:
«Жаңы шарап жасала турган жүзүмдүн шиңгилин көргөндө:
„Муну жок кылба, арасында жакшылары бар экен“,— дешет эмеспи.
Мен да кызматчыларыма ошондой кылам;
Алардын баарын жок кылбайм.+
9 Жакыптын элинен урпак чыгарам,
Жүйүттүн элинен тоолорума ээлик кыла турган мураскорлорду чыгарам;+
Менин тандап алгандарым ошол жерге ээлик кылат,
Ошол жерде кызматчыларым жашайт.+
10 Шарон+ койлорго жайыт болот,
Акор өрөөнү+ бодо мал жуушаган жер болот,
Муну мени издей турган элим үчүн кылам.
11 Силер болсо мени, Жахабаны, таштап кеткенсиңер,+
Ыйык тоомду унуткансыңар,+
Кут кудайына дасторкон жайып,
Тагдыр кудайына арнап чөйчөктөргө күчтүү шараптан толтура кылып куйгансыңар.
12 Ошон үчүн тагдырыңар мындай болот:
Кылыч мизине алынасыңар,+
Баарыңар мууздалыш үчүн тизе бүгөсүңөр,+
Анткени мен чакырганда, жооп берген эмессиңер,
Мен сүйлөгөндө, укпай койгонсуңар;+
Көз алдымда жаман иштерди кылып келгенсиңер,
Мага жакпаган нерселерди тандап алгансыңар».+
13 Ошондуктан Эгедер Теңир Жахаба мындай дейт:
«Менин кызматчыларым тоёт, силер болсо ачка болосуңар.+
Менин кызматчыларым суусунун кандырат,+ силер болсо сууга чаңкайсыңар.
Менин кызматчыларым кубанат,+ силер болсо уят болосуңар.+
14 Менин кызматчыларым жүрөгүндөгү кубанычтан улам шаттанышат,
Силер болсо жүрөгүңөр ооругандыктан кыйкырасыңар,
Көңүлүңөр чөккөндүктөн боздойсуңар.
15 Көзүңөр өткөндөн кийин, артыңарда калган жаман атыңарды менин тандап алгандарым каргыш айтканда колдонушат,
Мен, Эгедер Теңир Жахаба, ар бириңерди өлүмгө кыям,
Өзүмдүн кызматчыларымды* болсо башка ат менен атайм;+
16 Ошондо жер үстүндө өзүнө бата тилеген ар бир адам
Чындыктын* Кудайынан бата алат,
Жер үстүндө ант берген ар бир адам
Чындыктын Кудайын оозанып ант берет.+
Анткени мурунку азаптар унутулат,
Көз алдыман жок кылынат.+
17 Себеби мен жаңы асман менен жаңы жерди жаратып жатам;+
Мурункулар мындан ары эске түшпөйт,
Жүрөктү оорутпайт.+
18 Ошон үчүн мен жаратып жаткан нерселерди карап шаттангыла, түбөлүккө кубангыла.
Анткени мен Иерусалимди кубанычтын булагы,
Анын элин шаттыктын булагы болгудай кылып жатам.+
19 Мен Иерусалимди көрүп кубанам, элимди карап шаттанам;+
Мындан ары ал жакта ый да, боздогон үн да угулбайт».+
20 «Ал жерде төрөлгөнүнө бир нече эле күн болгондо чарчап калган ымыркай да,
Өмүрүнүн акырына жетпей көз жумган кары киши да болбойт.
Кимдир бирөө жүзгө чыгып өлсө да, эл аны бала бойдон кетти дейт,
Күнөөкөр атүгүл жүз жашка чыкса да, каргышка калат*.
22 Алар үйлөрдү башка бирөө жашасын деп курбайт,
Жүзүмдү башка бирөө жесин деп отургузбайт.
Анткени элимдин өмүрү дарактын өмүрүндөй болот,+
Менин тандап алгандарым өз эмгегинин үзүрүн толугу менен көрүшөт.
23 Алардын кылган мээнети* талаага кетпейт,+
Балдары азапка төрөлбөйт,
Анткени алар — менден, Жахабадан, бата алган эл,+
Өздөрү да, урпактары да бата алган эл.+
24 Мен алар чакыра электе эле жооп берем;
Алар сүйлөп бүтө электе эле, жардам берем.
25 Карышкыр менен козу бирге жайылат,
Арстан букадай болуп саман жейт,+
Жыландын жегени топурак болот.
Алар бүт ыйык тоомдо эч кандай зыян тийгизишпейт, залал келтиришпейт»,+— дейт Жахаба.