Жезекиел
37 Мага Жахабанын күчү таасир этти. Жахаба ыйык руху менен мени алып барып,+ сөөктөргө толгон өрөөндүн ортосуна койду. 2 Ал мени сөөктөрдү аралатып жүрдү. Өрөөндө сөөк аябай көп экен, алар кагырап кургап калыптыр.+ 3 Ал мага: «Адам уулу, бул сөөктөр жандана алабы?» — деди. Мен: «Эгедер Теңир Жахаба, аны сен билесиң да»,— дедим.+ 4 Ошондо ал мага: «Бул сөөктөр жөнүндө алдын ала айтып, аларга мындай де: „Кагыраган сөөктөр, Жахабанын сөзүн уккула:
5 Эгедер Теңир Жахаба силерге мындай дейт: “Мен силерге дем киргизем, ошондо жанданасыңар.+ 6 Силерге тарамыш тартам, үстүңөргө эт өстүрөм, анан тери менен каптайм, ичиңерге дем киргизем, ошондо жанданасыңар жана менин Жахаба экенимди билесиңер”“»,— деди.
7 Анан өзүмө берилген буйрук боюнча, алдын ала айтып пайгамбарлык кылдым. Мен сүйлөп жатканда, бир дабыш чыкты, шагыраган үн угулду. Сөөктөр бири-бирине тартылып, бириге баштады. 8 Анан алардын үстүнө тарамыш тартылып, эт өсүп, тери капталганын көрдүм. Бирок алардын ичинде дем жок эле.
9 Анан Кудай мага: «Шамалга буйрук бер*. Адам уулу, шамалга айт: „Эгедер Теңир Жахаба мындай дейт: “Оо, шамал*, төрт тараптан кел, өлтүрүлгөн бул адамдар жанданышы үчүн, буларга үйлө”“,— деди».
10 Ал мага эмнелерди айт деп буйрук берсе, ошолорду айттым. Ошондо алардын ичине дем* кирип, жандана башташты да, буттарына турушту.+ Алар сан жеткис аскерди түздү.
11 Анан Кудай мага мындай деди: «Адам уулу, бул сөөктөр бүт ысрайыл элин билдирет.+ Алар: „Сөөктөрүбүз кагырап калды, үмүтүбүз үзүлдү.+ Биз таптакыр эле кыйрап калдык“,— деп жатышат. 12 Ошондуктан алдын ала айтып, аларга: „Эгедер Теңир Жахаба мындай дейт: “Оо, элим, мен мүрзөлөрүңөрдү ачып,+ силерди ал жактан алып чыгам да*, Ысрайыл жерине алып келем.+ 13 Оо, элим, мүрзөлөрүңөрдү ачып, силерди ал жактан алып чыкканымда, менин Жахаба экенимди билесиңер”,— де“.+ 14 „Мен ичиңерге ыйык рухумду салам, ошондо жанданасыңар.+ Силерди өз жериңерге отурукташтырам, ошондо муну айткан да, ишке ашырган да мен, Жахаба, экенимди билесиңер“,— дейт Жахаба».
15 Жахаба мага дагы кайрылып, мындай деди: 16 «Сен болсо, адам уулу, бир таяк алып, ага „Жүйүт менен ага шериктеш ысрайыл эли“ деп жаз.+ Дагы бир таяк алып, ага „Эпрайымды билдирген Жусуптун таягы менен ага шериктеш бүт ысрайыл эли“ деп жаз.+ 17 Анан ал экөө колуңда бир таяк болушу үчүн, экөөнү бириктирип карма.+ 18 Элиң: „Булар эмнени билдирерин бизге түшүндүрүп бересиңби?“ — дешкенде, 19 аларга: „Эгедер Теңир Жахаба: “Мен Жусуп менен ага шериктеш Ысрайыл урууларынын таягын — Эпрайымдын колундагы таякты — алып, Жүйүттүн таягына кошом, аларды бир таяк кылам;+ алар менин колумда бир таяк болот”,— деди“,— деп айт. 20 Алар көрүшү үчүн, сен жазган ошол таяктар колуңда болсун.
21 Анан аларга мындай де: „Эгедер Теңир Жахаба мындай дейт: “Мен ысрайылдыктарды өздөрү барган элдердин арасынан алып чыгам, туш-туштан чогултуп, өз жерине алып келем.+ 22 Аларды ушул жерде, Ысрайыл тоолорунда бир эл кылам,+ баарынын үстүнөн бир падыша башкарат,+ ошондон кийин алар эки эл болбойт, эки падышалыкка да бөлүнбөйт.+ 23 Өздөрүн жийиркеничтүү буркандары, жийиркеничтүү иштери, бардык күнөөлөрү менен экинчи арамдашпайт.+ Аларга баш ийбестигинен улам кылган күнөөлөрүнөн арылганга жардам берем, аларды тазалайм. Алар менин элим болот, мен алардын Кудайы болом.+
24 Кызматчым Дөөтү* аларга падыша болот,+ баарынын койчусу бир болот.+ Алар менин чечимдерим боюнча жүрүшөт, көрсөтмөлөрүмдү кылдат аткарышат.+ 25 Алар мен кызматчым Жакыпка берген, ата-бабаларыңар жашаган жерде жашашат,+ ошол жерде өздөрү да, уулдары да, неберелери да түбөлүккө жашашат;+ кызматчым Дөөтү түбөлүккө алардын башчысы* болот.+
26 Мен алар менен тынчтык келишимин түзөм;+ бул алар менен түзүлгөн түбөлүк келишим болот. Аларды өз жерине отурукташтырам, көбөйтөм,+ ыйык жайымды алардын арасына түбөлүккө тургузам. 27 Менин чатырым* алардын арасында* болот. Мен алардын Кудайы болом, алар менин элим болот.+ 28 Ыйык жайым түбөлүккө алардын арасында турганда, элдер ысрайыл элин ыйык кылып жаткан мен, Жахаба, экенимди билишет”“».+