97 Жахаба Падыша болду!+
Жер жүзү кубансын.+
Көп сандаган аралдар шаттансын.+
2 Кудайды булуттар менен коюу караңгылык каптап турат,+
Ал дайыма адилдик, акыйкаттык менен башкарат.+
3 Анын алдында от баратат,+
Туш тарабындагы душмандарынын баарын жалмап жатат.+
4 Анын чагылганы жер бетин жарык кылып турат,
Аны көрүп, жер солкулдап жатат.+
5 Тоолор Жахабанын алдында,+
Жер жүзүнүн Теңиринин алдында момдой эрийт.
6 Асман анын адилдигин жарыялап,
Бардык элдер анын даңкын көрүп жатат.+
7 Оюлуп жасалган буркандарга сыйынгандардын,+
Пайда-батасы жок кудайлары менен мактангандардын баары уятка калсын.+
Бардык кудайлар, ага таазим кылгыла.+
8 Өкүмдөрүңдү угуп, Сион сүйүнүп жатат;+
Оо, Жахаба, адилет сот жүргүзгөнүңө
Жүйүттүн шаарлары кубанып жатат.+
9 Анткени сен, Жахаба, бүт жер үстүнөн бийлик кылган Эң Жогорку Кудайсың,
Башка бардык кудайлардан алда канча жогору турасың.+
10 Жахабаны жакшы көргөндөр, жамандыкты жек көргүлө.+
Ал өзүнө берилген кызматчыларынын жанын сактайт,+
Аларды ыймансыздардын колунан куткарат.+
11 Адил адамга жарык тийди,+
Жүрөгү тазаларга кубаныч келди.
12 Адил адамдар, Жахабанын иштерине кубангыла,
Анын ыйык ысмын даңктагыла.