Жетекчиге. Дөөтүнүн ыры.
65 Оо, Кудай, сен Сион тоосунда даңкталасың,+
Сага берген анттарыбызды аткарабыз.+
2 Оо, адамдын тилегин Угуучу, сага ар кандай адамдар келет.+
3 Күнөөлөрүм мага үстөмдүк кылды,+
Бирок сен кылмыштарыбызды кечиресиң.+
4 Ибадатканаңдын короолорунда жашашы үчүн,
Өзүң тандап алып, өзүңө жакындаткан адам бактылуу.+
Сенин үйүңдөгү, ыйык ибадатканаңдагы,+
Жакшы нерселердин баарына моокумубуз канат.+
5 Оо, куткаруучу Кудайыбыз,
Сен тилегибизге сестентерлик адил иштерди кылып жооп бересиң.+
Төгөрөктүн төрт бурчундагылардын,
Деңиздин ары жагындагылардын да Тиреги сенсиң.+
6 Сен кудуретиң менен тоолорду бек орнотконсуң,
Күч-кубатка чулгангансың.+
7 Албууттанган деңиздерди тынчытасың,+
Алардын күркүрөгөн толкундарын, толкуган элдерди тынчтандырасың.+
8 Алыскы жерлерде жашагандар ажайып иштериңди көрүп сени кастарлашат,+
Күн чыгыш менен батыштагылар да иштериңден улам кубанычтуу үн салышат.
9 Жерге назарыңды салып,
Аны мол түшүмдүү кыласың, байытасың.+
Дарыяларды сууга толтурасың,
Адам баласына дан бересиң,+
Жерди мына ушундай кылып жараткансың.
10 Жөөктөрдү сууга толтурасың, айдалган жерди түздөйсүң.
Аны нөшөр менен жумшартасың, себилген нерсе өнүп-өсүшү үчүн батаңды бересиң.+
11 Ар бир жылга батаңды мол бересиң,
Баскан жериңдин баарында молчулук болот.+
12 Чөлдүү жердеги жайыттарда чөп коюу болот,+
Адырлар кубанычка чулганат.+
13 Жайыттарда мал жайнайт,
Өрөөндөр данга толот.+
Баары кубанып-шаттанат, ыр ырдайт.+