Ышая
40 «Соороткула, элимди соороткула,— дейт Кудайыңар.+—
2 Иерусалимдин элине жүрөгүн козгогудай* сүйлөгүлө,
Аларга эрксиз эмгек кылган жылдары аягына чыкканын,
Айыбы үчүн жазаланып бүткөнүн жар салгыла.+
Алар бүт күнөөсү үчүн Жахабадан тиешесин толугу менен* алышты».+
3 Ээн талаада бирөө мындай деп жар салып жүрөт:
Чөлдүү аймакта Кудайыбызга түз жол салгыла!+
4 Ойдуңдун баары көтөрүлсүн,
Тоолор менен адырлардын баары чөксүн.
Дөңсөөлөр түздүккө айлансын,
Өңгүл-дөңгүл жерлер түздөлсүн.+
Анткени муну Жахаба өзү айтты».
6 Уксаңар! Бирөө: «Жар сал!» — деп жатат.
Экинчиси: «Эмне деп жар салайын?» — деп жатат.
Тиги мындай деди: «Адамдардын баары — көк чөп.
Алардын сүйүүсү* талаа гүлүндөй.+
Чынында эле, адам баласы — көк чөп.
Иерусалимге жакшы кабар алып келген аял,
Үнүңдүн болушунча кыйкыр.
Кыйкыр, коркпо.
Жүйүттүн шаарларына: «Кудайыңар мына!» — де.+
Анын бере турган сыйлыгы,
Төлөй турган акысы даяр.+
11 Ал койчудай болуп оторун багат*.+
Козуларды өз колу менен чогултуп,
Бооруна кысып көтөрүп жүрөт.
Козулуу койлорду аярлап ээрчитип жүрөт.+
12 Сууларды кочуштап өлчөгөн ким бар?+
Асманды карыштап ченеген ким бар?
Жердин топурагын өлчөгүч идишке салган ким бар?+
Же тоолор менен адырларды таразага тарткан ким бар?
13 Жахабанын ыйык рухун өлчөгөн* ким бар?
Кеңеш айтып, Кудайды үйрөтө ала турган ким бар?+
14 Ал кеңешип, акыл үйрөнгөн ким бар?
Ал аралдарды чаңдай эле көтөрүп коёт.
16 Курмандык жайында от күйүп турушу үчүн, Лебанондогу дарактар да аздык кылат,
Андагы жапайы жаныбарлар да ага чалынчу бүтүндөй өрттөлчү курмандыкка аздык кылат.
18 Кудайды кимге салыштырасыңар?+
Кимге окшоштурасыңар?+
Анан ордунан козголбос кылып буркан жасатыш үчүн+
Чебер уста издейт.
21 Силер билбейсиңерби?
Уккан жок белеңер?
Силерге башынан эле айтылып келген эмес беле?
Жер түптөлгөндөн бери эле айкын болгон нерсени түшүнгөн эмес белеңер?+
Ал асманды жука кездемедей жазат,
Аны адамдар жашаган чатырдай жаят.+
24 Алар жаңы эле отургузулуп,
Жаңы эле себилгенде,
Жаңыдан тамыр жая баштаганда,
Шамал үйлөп, куурап калышты;
Катуу шамал аларды самандай учуруп кетти.+
25 «Силер мени кимге окшоштурасыңар, кимге теңейсиңер? — дейт Ыйык Кудай.—
26 Башыңарды көтөрүп, асманды карагыла.
Мунун баарын ким жараткан?+
Ким жылдыздарды санап, аскердей кылып алып чыкса, ошол жараткан.
Ал алардын ар бирин атынан атайт.+
Анын кубаты эбегейсиз, күчү зор болгондуктан,+
Ар бири өз ордунда турат.
27 Эмне үчүн сен, Жакып, сен да, Ысрайыл:
„Менин кантип жашап жатканым Жахабадан жашыруун,
Адилеттикке зар болуп кыйналып жатканым Кудайга баары бир“,— деп жатасың?+
28 Сен билбейсиңби? Уккан жок белең?
Жердин учу-кыйырын жараткан Жахаба — түбөлүктөн түбөлүккө Кудай.+
Ал эч качан чарчабайт, эч качан алдан тайбайт.+
Анын акылмандыгы изилденгис*.+
30 Уландар чарчап-чаалыгат,
Жигиттер чалынып жыгылат,
31 Ал эми Жахабага үмүт арткандар кайрадан күчкө толот.
Алар бүркүттөй канат жайып, көккө көтөрүлөт.+
Чуркашса да, чарчашпайт,
Басышса да, чаалыгышпайт».+