Аюп
1 Ус деген жерде Аюп*+ аттуу бир киши жашаган. Ал түз жүргөн, кынтыксыз*,+ Кудайдан корккон, жаман иштен алыс жүргөн киши эле.+ 2 Аюп 7 уулдуу, 3 кыздуу болгон. 3 Анын 7 000 кою, 3 000 төөсү, 1 000 бодо малы, 500 эшеги* жана көп сандаган кызматчылары бар эле. Ошон үчүн ал Чыгыш элдеринин ичинен эң кадыр-барктуу адам болгон.
4 Аюптун уулдарынын ар бири өз кезеги келген күнү үйүндө шерине өткөрүп турчу. Алар чогуу ичип-жеш үчүн 3 карындашын* да чакырышчу. 5 Бир сыйрадан шерине беришкен соң, Аюп аларды ыйыкташ үчүн чакыртчу. Анан эртең менен эрте туруп, балдарынын ар бири үчүн бүтүндөй өрттөлчү курмандык чалчу,+ анткени: «Уулдарым күнөөгө батып, Кудайга ичинен тил тийгизип жүрбөсүн»,— деп ойлочу. Аюп ар дайым ошенте турган.+
6 Белгиленген күнү периштелер*+ Жахабанын* алдына чогулушту.+ Шайтан+ да келип, алар менен кошо турду.+
7 Анан Жахаба Шайтандан: «Кайдан келдиң?» — деп сурады. Шайтан Жахабага: «Жер жүзүн кыдырып, айланып чыктым»,— деп жооп берди.+ 8 Ошондо Жахаба ага: «Аюп деген кызматчыма көңүл бурдуңбу? Жер жүзүндө андай адам жок. Ал — түз жүргөн, кынтыксыз*,+ Кудайдан корккон, жаман иштен алыс жүргөн киши»,— деди. 9 Шайтан болсо Жахабага: «Аюп Кудайдан бекеринен коркот дейсиңби?+ 10 Сен анын өзүн да, үй-бүлөсүн да, колундагысынын баарын туш тарабынан коргоп жаткан жоксуңбу?+ Бүт ишине батаңды берип жатасың,+ малы көбөйгөндөн көбөйүп жатат. 11 Бирок эмнеси болсо*, ошонун баарын алып койчу, сени ачык эле каргайт»,— деди. 12 Ошондо Жахаба Шайтанга: «Мына, анын эмнеси болсо, ошонун баары сенин колуңда. Өзүнө гана тийбе!» — деди. Ошентип, Шайтан Жахабанын алдынан кетти.+
13 Бир күнү Аюптун уулдары менен кыздары улуу агасынын үйүндө тамак жеп, шарап ичип жатышкан эле.+ 14 Бир убакта Аюпка кабарчы келип: «Өгүздөр жер айдап жаткан, алардын жанында эшектер оттоп жүргөн. 15 Аңгыча шебалыктар кол салып, аларды айдап кетти, кызматчыларыңызды болсо кылычтап салышты. Жалгыз мен качып кутулуп, кабарлаш үчүн келдим»,— деди.
16 Ал сүйлөп бүтө электе, дагы бирөө келип: «Асмандан Кудайдын оту* түшүп, койлор менен кызматчыларыңызды жалмап кетти! Жалгыз мен качып кутулуп, сизге кабарлаш үчүн келдим»,— деди.
17 Ал сөзүнүн аягына чыга электе, дагы башкасы келип: «Каздимдиктер*+ үч топ болуп келип кол салып, төөлөрдү айдап кетишти, кызматчыларыңызды болсо кылычтап өлтүрүштү. Жалгыз мен качып кутулуп, кабарлаш үчүн келдим»,— деди.
18 Ал сүйлөп бүтө электе, дагы бирөө келип: «Уул-кыздарыңыз улуу агасынын үйүндө тамак жеп, шарап ичип отурушкан. 19 Аңгыча эле чөл жактан катуу шамал согуп, үйдүн төрт тарабын тең кыйратты, балдарыңыз урандынын алдында калып өлдү. Жалгыз мен аман калып, сизге кабарлаш үчүн келдим»,— деди.
20 Ошондо Аюп ордунан туруп, кийимин айрып жиберди, чачын да алып салды. Анан жерге жыгылып, Кудайга таазим кылды да:
Берген да Жахаба,+ алган да Жахаба.
Жахабанын ысмы даңктала берсин»,— деди.
22 Ушунун баарына карабай, Аюп күнөөгө баткан жок, Кудайды да такыр күнөөлөгөн жок.