Галатиялыктарга
5 Машаяк бизди кулчулуктан* ушундай эркиндикке чыгарган. Ошондуктан кайрадан кул болуп калбаш үчүн+ бекем болгула.+
2 Мына, мен, Пабыл, силерге айтып жатам: эгер сүннөткө отургузулсаңар, Машаяктын кылгандарынын силерге эч кандай пайдасы тийбей калат.+ 3 Дагы эскертем: сүннөткө отургузулган ар бир киши бүт Мыйзамды аткарганга милдеттүү.+ 4 Мыйзамды аткарып адил болгонго аракеттенсеңер,+ Машаяктан четтеп, анын ырайымынан ажырап каласыңар. 5 Биз болсо Кудайдын ыйык рухунун жардамы менен ишенимибиздин аркасында адил болгонубуздун натыйжасын көрөбүз деп үмүттөнүп, муну чыдамсыздык менен күтүп келебиз. 6 Анткени Машаяк Исанын жолдоочулары үчүн сүннөткө отургузулуу да, отургузулбоо да маанилүү эмес,+ ишеним маанилүү; ишеним менен жасалган иштердин артында болсо сүйүү турат.
7 Силер жакшы эле келатпадыңар беле*.+ Анда туура окууларга ылайык жашабай калышыңарга ким себепкер болду? 8 Буга себепкер болгондордун айткандары силерди тандап алган Кудайдан эмес. 9 Кичинекей эле ачыткы бүт камырды ачытат.+ 10 Исанын жолдоочулары катары+ силердин менин оюма кошуларыңарга бекем ишенем. Ал эми силерге кыйынчылык туудурган адам,+ ал ким болбосун, тийиштүү жазасын алат. 11 Бир туугандарым, эгер мен дагы эле сүннөткө отургузулганга үндөп жүрсөм, анда мени куугунтукташмак эмес да! Эгер ошентип жүрсөм, Исанын жаза устунуна кадалып өлгөнү жөнүндө окутканым+ башкалардын кыжырын келтирмек эмес да! 12 Силерди олку-солку кылганга аракеттенип жаткандар, мага десе, өздөрүн бычып салышсын!*
13 Бир туугандарым, Кудай силерди тандап алып, эркиндикке чыгарган. Бирок ушул эркиндигиңерден пайдаланып туура эмес каалоолорго жетеленбегиле,+ анын ордуна, бири-бириңерди сүйүп, кулдай кызмат кылгыла.+ 14 Анткени: «Башканы өзүңөрдү сүйгөндөй сүйгүлө»,— деген осуятка ылайык иш кылган киши бүт Мыйзамды аткарган болот*.+ 15 Ал эми бири-бириңерди кемирип, жеп жатсаңар,+ абайлагыла, бири-бириңерди жок кылып салып жүрбөгүлө.+
16 Силерге айтарым, Кудайдын ыйык рухунун жетеги менен жүргүлө,+ ошондо бир да туура эмес каалоого алдырбайсыңар.+ 17 Себеби күнөөгө түрткөн каалоолор Кудайдын ыйык рухуна, Кудайдын ыйык руху болсо ал каалоолорго каршы турат. Булар бири-бирине карама-каршы келет, ошон үчүн силер кылгыңар келген нерселерди кылбай жатасыңар.+ 18 Эгер Кудайдын ыйык рухуна жетектелип жатсаңар, анда Мыйзам силерге бийлик кылбайт.
19 Туура эмес каалоолоруна жетеленгендер кандай иштерди кылары айдан ачык. Андай иштерге жыныстык адеп-ахлаксыздык*,+ ыпыластык, уятсыз жүрүм-турум*,+ 20 бурканга табынуу, жиндер менен байланышуу*,+ касташуу, чыр-чатак, көрө албастык, ачууга алдыруу, араздашуу, бөлүнүп-жарылуу, секта* түзүү, 21 ичи тарлык, өтө көп ичүү*,+ жосунсуз той-тамашалар жана башка ушу сыяктуу нерселер кирет.+ Мурун эскерткенимдей эле, дагы эскертем: мындай иштерди кылып жүргөндөр Кудайдын Падышалыгын мурасташпайт.+
22 Ал эми Кудайдын ыйык рухунун таасири менен өрчүп-өсө турган сапаттар* — сүйүү, кубаныч, тынчтык, чыдамкайлык, боорукердик, жакшылык,+ ишеним, 23 жумшактык*, өзүн өзү кармай билүү.+ Ушу сыяктуу сапаттарга каршы эч кандай мыйзам жок. 24 Машаяк Исанын жолдоочусу болгондор күнөөгө түрткөн кумарлары менен каалоолорун жеңишкен*.+
25 Эгерде Кудайдын ыйык рухуна жетектелип жашап жатсак, анда мындан ары да анын жетеги менен жүрөлү.+ 26 Көйрөңдөнүп-менменсинбейли,+ бири-бирибизге атаандашпайлы,+ ичи тарлык кылбайлы.