Чыгуу
17 Ысрайылдыктардын бүт жамааты Син чөлүнөн чыгып,+ Жахаба буйругандай,+ бир жерден экинчи жерге көчүп-конуп отуруп, Репидимге+ келип, чатырларын тигишти. Бирок ал жерде ичкенге суу жок эле.
2 Ошондо эл Мусаны: «Бизге ичкенге суу таап бер»,— деп уруша баштады.+ Муса аларга: «Мени эмнеге урушуп жатасыңар? Жахабаны сынаганыңарды качан коёсуңар?» — деди.+ 3 Бирок эл аябай суусап, Мусага: «Бизди Мисирден эмнеге алып чыктың? Балдарыбыз, малыбыз менен кошо сууга чаңкатып өлтүрүш үчүнбү?» — деп наалышты.+ 4 Акыры, Муса Жахабага кайрылып: «Бул элди эмне кылам? Мени таш бараңга алганы калышты»,— деди.
5 Ошондо Жахаба Мусага: «Элдин алдына түш. Өзүң менен кошо Ысрайыл аксакалдарынын бир нечесин, анан Нил дарыясын чапкан таягыңды алып ал.+ Аны колуңа кармап алып бас. 6 Мен сенин алдыңда Хорептеги аскада турам. Сен асканы чапканда, суу чыгат. Анан эл ошол суудан ичет»,+— деди. Муса Ысрайыл аксакалдарынын көзүнчө ошондой кылды. 7 Муса ал жерди Маса*+ жана Мериба*+ деп атады, анткени ысрайылдыктар ошол жерде Мусаны урушушту, алар: «Жахаба биздин арабыздабы же жокпу?» — деп Жахабаны сынашты.+
8 Амалыктын тукумдары+ Репидимге келип, ысрайылдыктарга кол салышты.+ 9 Муса Жашыяга:+ «Элдин арасынан киши тандап, Амалыктын тукумдары менен согушканы бар. Эртең мен чыныгы Кудайдын таягын колума алып, дөбөнүн башына барып турам»,— деди. 10 Жашыя Муса айткандай кылып,+ Амалыктын тукумдарына каршы согушканы чыкты. Муса, Арун, Хур+ болсо дөбөнүн башына чыгышты.
11 Муса колдорун көтөргөндө, ысрайылдыктар жеңип жатты, ал эми түшүргөндө, Амалыктын тукумдары жеңип жатты. 12 Мусанын колдору талып кеткенде, астына таш коюп беришти. Ал ага отурду. Арун менен Хур болсо, бири бир жагына, экинчиси экинчи жагына туруп, анын колдорун көтөрүп турушту. Мусанын колдору күн батканча көтөрүлүп турду. 13 Ошентип, Жашыя Амалыктын тукумдарын кылычтап өлтүрдү.+
14 Жахаба Мусага: «Эскерип туруш үчүн муну китепке жазып кой. Анан Жашыяга: „Амалыктын тукумдарын акыр-аягы жер бетинен жок кылам. Алар эч качан эскерилбейт“,— деген сөзүмдү айт»,— деди.+ 15 Муса курмандык жайын куруп, аны Жахаба-Ниси* деп атады. 16 Анткени ал: «Жахтын+ бийлигине каршы чыгышкандыктан, Жахаба Амалыктын тукумдары менен укумдан-тукумга согушат»,— деди.+