Аян
19 Андан кийин асмандагы эбегейсиз көп периштелердин үнүндөй болгон катуу үндөрдү уктум. Ал үндөр: «Жахты даңктагыла!*+ Кудайыбыз адамзатты куткарат, даңк менен күч ага таандык, 2 анткени анын өкүмдөрү туура, адил.+ Ал жыныстык адеп-ахлаксыздыкка жаткан иштери менен жер жүзүн ыпыластыкка толтурган улуу сойкуну соттоду, кулдарынын каны үчүн андан өч алды»,+— дешти. 3 Анан ошол замат алар экинчи жолу: «Жахты даңктагыла!+ Бабыл өрттөнгөндө чыккан түтүн түбөлүктөн түбөлүккө көтөрүлүп турат»,— деди.+
4 Ошондо 24 аксакал+ менен 4 периште+ чөк түшүп, тактыда отурган Кудайга сыйынып: «Оомийн! Жахты даңктагыла!»+ — дешти.
5 Ошондой эле тактыдан: «Кудайдын бардык кулдары,+ андан корккондор, карапайымдар менен жогорку даражалуулар,+ Кудайыбызды даңктагыла»,— деген үн чыкты.
6 Анан мен эбегейсиз көп периштелердин үнүндөй, суулардын шаркыраганындай, күндүн катуу күркүрөгөнүндөй болгон үндөрдү уктум. Ал үндөр: «Жахты даңктагыла,+ анткени Кудурети Чексиз Кудайыбыз+ Жахаба падышалык кыла баштады!+ 7 Кубанып-шаттаналы, аны даңктайлы, себеби Козунун үйлөнөр убагы келди, анын колуктусу өзүн даярдады. 8 Ага жогорку сапаттагы зыгыр кездемеден тигилген таза, жаркыраган көйнөк берилди. Жогорку сапаттагы зыгыр кездеме ыйыктардын адил иштерин билдирет»,— деп жатышты.+
9 Периште мага: «Мындай деп жаз: „Козунун үйлөнүү тоюна+ чакырылгандар бактылуу“»,— деди. Анан: «Бул — Кудайдын чындык сөздөрү»,— деп да айтты. 10 Ошондо анын бут алдына жүзтөмөндөп жыгылып, ага сыйынмакчы болдум. Бирок ал: «Кой, мындай кылба!+ Кудайга сыйын!+ Мен Иса жөнүндө күбөлөндүргөн+ бир туугандарыңа жана сага окшогон эле кулмун. Анткени пайгамбарлык сөздөрдүн да максаты — Иса жөнүндө күбөлөндүрүү»,— деди.+
11 Анан мен асмандын ачылганын жана ак боз атты+ көрдүм. Аны минген чабандестин аты — Ишенимдүү+ жана Чыныгы.+ Ал жүргүзгөн сот да, согуш да адилеттүү.+ 12 Анын көздөрү — жалындаган от.+ Башында көп таажысы* бар. Ошондой эле анын өзүнө жазылган, андан башка эч ким билбеген аты бар. 13 Үстүндөгү сырт кийими кан болуп калыптыр*; ага «Кудайдын Сөзү»+ деген ат коюлган. 14 Анын артынан ак боз ат минген, жогорку сапаттагы ак, таза зыгыр кездемеден кийим кийген асман аскерлери келатты. 15 Элдерди кырыш үчүн анын оозунан узун курч кылыч+ чыгып туруптур. Ал элдерди темир таяк+ менен башкарат. Ошондой эле Кудурети Чексиз Кудайдын+ кайнаган каарын билдирген жүзүм сыккан жайында жүзүм тебелейт. 16 Анын сырт кийиминде, сан жагында, «падышалардын Падышасы, мырзалардын Мырзасы»+ деген ысым жазылган.
17 Андан тышкары, мен күндүн ортосунда турган периштени көрдүм. Ал катуу кыйкырып, асманда учуп жүргөн канаттуулардын баарына: «Бул жакка келгиле, Кудайдын тоюна чогулгула.+ 18 Падышалардын, аскер башчыларынын, күчтүү кишилердин,+ аттардын, аларды мингендердин этин жегиле,+ эркин болобу, кул болобу, карапайым болобу, жогорку даражалуу болобу, баарынын этин жегиле»,— деди.
19 Анан мен ат минип турган чабандес менен анын аскерлерине каршы согушуш үчүн чогулган жырткычты, жер жүзүнүн падышалары менен алардын аскерлерин көрдүм.+ 20 Чабандес жырткыч менен анын алдында жышаандарды көрсөткөн жалган пайгамбарды+ кармады. Ал пайгамбар жышаандарды көрсөтүп, жырткычтын+ белгисин койдургандарды, анын сөлөкөтүнө+ сыйынгандарды адаштырып жүргөн. Ал экөө тең күкүрт күйүп жаткан оттуу көлгө тирүүлөй ыргытылды.+ 21 Калгандары болсо чабандестин оозунан чыгып турган узун кылыч менен өлтүрүлдү.+ Алардын этине канаттуулардын баары тойду.+