Насаатчы

11 Наныңды сууга агыз,+ себеби көп күндөн кийин аны кайра табасың.+ 2 Колуңдагыны жети, атүгүл сегиз киши менен бөлүш,+ анткени жерде кандай каргаша* болорун билбейсиң.

3 Эгер булуттар сууга толсо, жерге жамгыр төгөт. Дарак түштүккө же түндүккө куласа, кулаган жеринде калат.

4 Шамалды караган үрөн сеппейт, булутту караган оруп-жыйбайт.+

5 Кош бойлуу аялдын ичиндеги баланын сөөктөрү өмүр деминен* улам кандайча өрчүп жатканын түшүнбөгөнүңдөй эле,+ баарын жасап жаткан чыныгы Кудайдын иштерин да түшүнбөйсүң.+

6 Үрөнүңдү эртең менен сеп да, колуңду кечке чейин тындырба.+ Себеби кайсынысы өнүп чыгарын, мунусубу же тигинисиби, же экөө тең өнүп чыгабы, билбейсиң.

7 Жарык жагымдуу, көздүн күндү көргөнү жакшы. 8 Эгер адам узак жашаса, ошол күндөрүнүн баарында кубансын.+ Бирок кайгылуу күндөр да көп болушу мүмкүн экенин эстей жүрсүн; алдыдагы күндөрдүн баары курулай убаракерчилик.+

9 Жигит, жаш чагыңда кубан, жаш кезиңде жүрөгүң шаттансын. Жүрөгүңдүн каалоосу, көзүңдүн жетеги менен жүр. Бирок ошонун баары үчүн чыныгы Кудайдын алдында жооп берериңди билип кой.+ 10 Ошондуктан кайгыга сала турган нерселерден оолак бол, жапа чектире турган нерселерден алыс бол*, анткени жаштык да, күлгүн курак да өтүп кете турган нерсе*.+