Туугандарыбызга кантип кабар айтсак болот?
1. Туугандарыбызга күбөлөндүрүүдө эмне себептен эстүүлүк талап кылынат?
1 Жакшы көргөн туугандарыбыз менен Жахабага биримдикте сыйынып, баарыбыз чогуу жаңы заманга өтсөк, кандай гана кубанычта болор элек! Эгер аларга күбөлөндүрүп жүрсөк, бул каалообуз аткарылышы мүмкүн. Бирок аларга туура күбөлөндүрүү үчүн эстүүлүк талап кылынат. Бир райондук көзөмөлчү: «Туугандарына аз-аздан кабар айтуу менен алардын кызыгуусун өстүргөндөр жакшы ийгиликтерге жетишүүдө»,— деп белгилеген. Муну биз кантип кыла алабыз?
2. Туугандарыбызга чыныгы кызыгуу көрсөтүү менен кантип алардын кызыгуусун туудура алабыз?
2 Кызыгуусун туудур. Туугандарыңдын кызыгуусун кантип өстүрө аларың жөнүндө терең ой жүгүрт (Накыл 15:28). Аларды эмне тынчсыздандырат? Кандай кыйынчылыктарга дуушар болушууда? Мүмкүн, алардын көңүлүн аларды кызыктырган тема талкууланган макалага же ага байланышы бар ыйык китептик аятка бураттырсың. Эгер туугандарың алыс жашаса, балким, муну кат же телефон аркылуу кыла алаттырсың. Алардын жүрөктөрүнө чындыктын үрөндөрүн сээп, аз-аздан сугарып тур жана үрөндөрдү Жахаба өстүрөрүнө үмүттөн (1 Кор. 3:6).
3. Туугандарыбыз бизге кызыгуу көрсөткөндө, кабар айтууга кандай мүмкүнчүлүк түзүлөт?
3 Ыйса бир кишиден жиндерди кууп чыгып, ага: «Үйүңө, жакындарыңа бар, Теңир сага эмне кылганын, сага кандай ырайым көрсөткөнүн аларга айтып бер»,— деп буйруган (Мр. 5:19). Бул анын туугандарына аябай эле таасир этсе керек. Балким, сени менен мындай эч нерсе деле болбогон чыгар, бирок туугандарың сенин жана балдарыңдын кандай жашап жатканына кызыгышат болуш керек. Алар менен маектешүүдө Теократиялык кызмат мектебинен аткарган тапшырмаң жана жыйын жөнүндө, жакында көрүп келген Бейтел же жеке жетишкендиктериң тууралуу кеп кылсаң болот. Мунун аркасында, балким, аларга Жахаба жана анын уюму жөнүндө көбүрөөк айтып берүүгө мүмкүнчүлүк түзүлөт.
4. Туугандарга кабар айтууда эмнеден качуу зарыл?
4 Эстүүлүк көрсөт. Туугандарыңа күбөлөндүрүүдө бир отурганда баарын айтып салуудан кач. Бир ишенимдешибиз Ыйык Китепти изилдей баштагандагы кезин эстеп: «Ыйык Китептен билгендеримдин баарын апама бир канча саат бою айтып бере берчүмүн жана бул, өзгөчө, атам менен талаш-тартыштарга алып келчү»,— деп мойнуна алат. Тууганың Ыйык Китептеги кабарга кызыккан учурда да, суроолоруна ал дагы көбүрөөк билүүнү каалагыдай кылып жооп бер (Накыл 25:7). Чоочун адамдарга кабар айтып жаткандагыдай, ар дайым аларга урмат-сый, боорукердик жана чыдамдуулук көрсөт (Кол. 4:6).
5. Туугандарыбыз айткан кабарыбызды укпай койгондо эмне кылсак болот?
5 Бир жолу туугандары Ыйсаны акылынан айнып калды деп ойлошкон (Мр. 3:21). Бирок кийинчерээк алардын айрымдары чындыкты кабыл алышкан (Элч. 1:14). Туугандарыңа алгач чындык жөнүндө айтканыңда жакшы укпай коюшса, көңүлүңдү чөгөрбө. Адамдардын жагдай-шарты жана көзкараштары убакыттын өтүшү менен өзгөрүп турат. Алардын кызыгуусун туудура турган ойлор менен бөлүшүүгө мүмкүнчүлүк издей бер. Эгер аларга түбөлүк өмүргө алып баруучу жолго түшүүгө жардам бере алсаң, кандай гана кубанычка бөлөнөсүң (Мт. 7:13, 14).