Андан соң дагы бир нерсе болот: Жакан асмандын ачылганын көрөт. Бул эмнени билдирген? Кыязы, ошондо Иса асмандагы жашоосун эстесе керек. Ошентип, ал Жахабанын рухий Уулу катары асманда жашаганын, Кудайдын ага жерге келгенге чейин эмнелерди үйрөткөнүн эстейт.

Чөмүлгөндөн кийин Иса Машаяк ыйык рухтун жетеги менен Жүйүт чөлүнө барат. Ал көп нерселер жөнүндө ой жүгүртүшү керек. Иса чөмүлүп жатканда, «асман ачылган» болчу (Матай 3:16). Мунун аркасында ал асмандагы жашоосун, иштерин эстей алган. Андыктан анын ойлоно турган нерселери абдан көп.